ខេត្តយូណានចម្រុះពណ៌ ចែករំលែកជាមួយពិភពលោក
ខេត្តយូណានជាខេត្តជាប់ព្រំដែននៃទិសនិរតីរបស់ប្រទេសចិន ដែលមានទីរួមខេត្តគឺក្រុង គុនមីញ（Kunming）។ ខេត្តយូណានមានប្រជាជនចំនួន ៤៧ លាននាក់ ផ្ទៃដីប្រមាណ ៣៩0ពាន់គីឡូម៉ែត្រក្រឡា។ វាជាតំបន់សំខាន់មួយនៃអរិយធម៌របស់មនុស្សសជាតិ ក៏ជាខេត្តមួយដែលមានជនជាតិច្រើនជាងគេនៅប្រទេសចិន ដែលទាំងអស់មាន ២៥ ជនជាតិនៃជនជាតិភាគតិច ក្នុងនោះមាន ១៥ ជនជាតិជាជនជាតិពិសេសនៃខេត្តយូណាន។
ភូមិសាស្ត្រខេត្តយូណានជាតំបន់ដីភ្នំនិងខ្ពង់រាបដែលលក្ខណៈពិសេសនោះគឺ តំបន់ពាយ័ព្យខ្ពស់ តំបន់អាគ្នេយ៍ទាបពីខាងជើងទៅខាងត្បូង បន្ទាបតាមថ្នាក់ហាក់បីដូចកាំជណ្តើរ។
ពីព្រៃត្រូពិចដល់ភ្នំព្រិលខ្ពង់រាប ខេត្តយូណានសម្បូរតំបន់ទេសចរណ៍ដោយពឹងផ្អែកទៅលើឧត្តមានុភាពគឺ អាកាសធាតុ ធម្មជាតិនិងសម្បត្តិធនធាន ជាតំបន់ទេសចរណ៍ដ៏ល្បីឈ្មោះនៅប្រទេសចិននិងទូទាំងពិភពលោក។
ភូតព្ភសាស្ដ្រជាច្រើននៃខេត្តយូណាន បង្កើតជារ៉ែដែលមានលក្ខខណ្ឌយ៉ាងល្អប្រសើរ ធនធានរ៉ែសម្បូរបរិបូរណ៍ ហើយជាខេត្តដែលមានរុក្ខជាតិជាច្រើនប្រភេទជាងគេនិងមានចំនួនប្រភេទសត្វច្រើនជាងគេក្នុងប្រទេសចិន។
ខេត្តយូណានមាន៦០ភាគរយនៃចំនួន៣ម៉ឹនប្រភេទរុក្ខជាតិថ្នាក់ខ្ពស់ក្នុងទូទាំងប្រទេសចិនក្នុងនោះមានសត្វកម្រដែលត្រូវបានទទួលការការពារជាច្រើន។ ហើយមានសត្វជាច្រើននៅក្នុងប្រទេសចិនមានវត្តមានតែនៅខេត្តយូណានប៉ុណ្ណោះ។ ដូច្នេះគេដាក់រហស្សនាមថាជា “នគរលោហៈធាតុមានពណ៌” “នគររុក្ខជាតិ”និង “នគរសត្វ”។
ខេត្តយូណានមានខ្សែបន្ទាត់ព្រំដែនជាប់ជាមួយប្រទេសមីយ៉ានម៉ា ប្រទេសឡាវនិងប្រទេសវៀតណាមដែលមានប្រវែង៤០៦០គីឡូម៉ែត្រ ជាខេត្តមួយដែលមានចម្ងាយជិតជាងគេជាមួយនឹងប្រទេសអាស៊ីខាងត្បូងនិងអាស៊ីអាគ្នេយ៍។ ព្រមទាំងជាក្លោងទ្វារ និងបង្អួចពីប្រទេសចិនឆ្ពោះទៅតំបន់អាស៊ីអាគ្នេយ៍។
ខេត្តយូណានមានអាកាសយានដ្ឋានស៊ីវិលចំនួន១២ ចំពោះចំនួនអាកាសយានដ្ឋាន កម្រិតនិងធនធានអាកាសចរណ៍នឹងនាំមុខនៅតំបន់ភាគខាងលិចព្រមទាំងនៅទូទាំងប្រទេសចិនផងដែរ ព្រមទាំងសកម្មក្នុងការបើកខ្សែហោះហើរទៅកាន់តំបន់អាស៊ីអាគ្នេយ៍និងអាស៊ីខាងត្បូងទៀតផង។
សព្វថ្ងៃនេះខេត្តយូណានកំពុងខិតខំប្រឹងប្រែងជំរុញនូវទំនាក់ទំនងខាងនយោបាយ ការបើកចំហការធ្វើពាណិជ្ជកម្មហិរញ្ញប្បទាន ការផ្សាភ្ជាប់ចិត្តប្រជាពលរដ្ឋនិងការកសាងមជ្ឈមណ្ឌលផ្សព្វផ្សាយឆ្ពោះកាន់តំបន់អាស៊ីខាងត្បូងនិងអាស៊ីអាគ្នេយ៍។
អ្នកនិពន្ធ៖ លីហ្សា