ក្រុងគុងមីង :ឡូពីង(Luoping)គឺជាតំបន់ភាគខាងកើតខេត្តយូណានដែលមានចម្ងាយប្រមាណ ២២៨ គីឡូម៉ែត្រពីក្រុងគុងមីង។
ជារៀងរាល់ឆ្នាំ នៅដើមរដូវផ្ការីកផ្កាពណ៌លឿងម៉្យាងតែងរីកដេរដាសបង្កើតបានជាកម្រាលព្រំពណ៌លឿងគ្របដណ្ដប់លើផ្ទៃដីដែលមានកូនភ្នំរាយប៉ាយ។
ទេសភាពដ៏ត្រកាលបានទាក់ទាញអ្នកថតរូប និងភ្ញៀវទេសចរណ៍រាប់ពាន់នាក់មកទស្សនាវាលផ្កាពណ៌លឿងដែលលាតសន្ធឹងដាច់កន្ទុយភ្នែកតែម្ដង។
វេលាដ៏ល្អបំផុតសម្រាប់គយគន់ទេសភាពនេះគឺអំឡុងខែកុម្ភៈ និងមីនា ហើយបុប្ផាពណ៌លឿងទាំងនោះនឹងផ្ដើមរុះរោយនារដូវក្ដៅក្នុងខែមិថុនា។
ដើមឡើយ ទេសភាពដ៏អស្ចារ្យនេះមិនត្រូវបានអ្នកទេសចរណ៍ចាប់អារម្មណ៍ឡើយ។ ពោលគឺម្នាក់ៗនាំគ្នាទៅហួស មកហួស មិនបានចាប់អារម្មណ៍ចោលភ្នែកក្រឡេកមើលសមុទ្រផ្កានេះឡើយ។
លុះក្រោយមក ជាងថតរូបអាជីពជាច្រើនបានមកដល់ទីនេះ និងបានបង្ហោះរូបថតរបស់ខ្លួនជាសាធារណៈ ទើបមនុស្សម្នាចាប់ផ្ដើមស្គាល់ទីនេះ និងនាំគ្នាផ្អើលមកទស្សនាលេងកម្សាន្តតែម្ដង៕
អ្នកនិពន្ធ៖ លីហ្សា