តេងឆុង(Tengchong)ជាតំបន់ទេសចរណ៍ធម្មជាតិដ៏ទាក់ទាញមានបឹងព្រៃភ្នំបង្អួតសម្រស់យ៉ាងខៀវស្រងាត់ស្ថិតនៅជាយក្រុង Baoshan ភាគខាងលិចខេត្តយូណានប្រទេសចិន។
តំបន់ដ៏ស្រស់បំព្រងនេះកើតឡើងតាមរយៈសកម្មភាពភ្នំភ្លើងដែលមានជាយូរមកហើយ។ តេងឆុងជាប់ព្រំដែនជាមួយប្រទេសមីយ៉ាន់ម៉ានៅភាគពាយ័ព្យប្រវែង១៥០គីឡូម៉ែត្រ។តេងឆុងមានផ្ទៃប្រមាណ៥៦៩៣ម៉ែត្រក្រឡា។ ចំណែកប្រជាជនប្រកបរបរចិញ្ចឹមជីវិតតាមរយៈការធ្វើសិប្បកម្មកសិកម្មនេសាទនិងឧស្សាហកម្ម។
តំបន់ខាងលើមានជនជាតិភាគតិចខុសៗគ្នាជាច្រើនរស់នៅដូចជាHan,Dai,Lisu,Tibetans,BaiនិងAiniជាដើម។ ចំពោះអាកាសធាតុនៅទីនេះវិញគឺខែមករាត្រជាក់ដល់៨អង្សាហើយក្រៅពីនេះខ្យល់ស្ងួតនិងក្ដៅខ្លាំងរហូតដល់ខែឧសភារួចឆ្លងដល់រដូវភ្លៀងធ្លាក់គឺនៅចុងខែកញ្ញា។
អ្នកនិពន្ធ៖ លីហ្សា