កាលពីថ្ងៃទី១៦ ខែមិថុនា បុណ្យផ្កាឈូកលើកទីបីនៃស្រុកឈេងចាំង (Chenjiang)ខេត្តយូណាន(Yunnan)បានបើកសម្ពោធជាផ្លូវការ ផ្ការឈូកគួរឱ្យចង់គយគន់ដែលមានទំហំជិតរាប់ម៉ឺនម៉ែត្រក្រឡាបានរីកស្គុះស្គាយដើម្បីទទួលភ្ញៀវទេសចរណ៍។
បុណ្យផ្កាឈូកលើកនេះធ្វើនៅក្រោមប្រធានបទ“គយគន់ទេសភាពបឹងដ៏ស្រស់ស្អាត ស្វែងយល់ពីសម្រស់នៃផ្កាឈូក”។ បុណ្យផ្កាឈូកលើកនេះ នឹងរៀបចំរហូតដល់ថ្ងៃទី ២៦ ខែសីហា បានរៀបចំនៅកន្លែងសំខាន់ទាំងពីរ គឺ សួន យ័លាន (Yuelian)និងសួនផ្កាឈូក ហ្សុ សុ(Zuosuo)។
ក្រៅពីអាចគយគន់ផ្កាឈូក សកម្មភាពក្នុងអំឡុងពេលបុណ្យផ្កាឈូកក៏សម្បូរគ្រប់បែបយ៉ាងផងដែរ។ ជាមួយគ្នានេះ គេនឹងប្រារព្ធការប្រគួតប្រជែងថតរូបនៅក្រោមប្រធានបទ“មកស្វែងរកសម្រស់ស្អាតនៃស្រុក ឈេងចាង ដោយ
សារផ្កាឈូក”ផ្តោតទៅលើកការបង្ហាញទិដ្ឋភាពធម្មជាតិ វប្បធម៌និងធនធានទេសចរណ៍នៃស្រុក ឈេងចាងតាមរយៈស្នាដៃថតរូប។
អ្នកសារព័ត៌មាន៖ ពី ភឹង(BIPENG)
អ្នកនិពន្ធ៖ លីហ្សា