ពិព័រណ៍ស្នាដៃគំនូរបានបើកដើម្បីរំលឹកខួបទី៨០ដែលសហសាកល វិទ្យាល័យនិរតីកសាងនៅ ទីក្រុងគុនមីញ
នាថ្ងៃទី៤ ខែឧសភា ពិព័រណ៍ស្នាដៃគំនូរប្រធានបទ“ភាពល្បីឈ្មោះ៨០ឆ្នាំ បានលទ្ធផលល្អយូរអង្វែង”ដើម្បីរំលឹកខួបទី៨០ដែលសហ សាកលវិទ្យាល័យនិរតីកសាងនៅទីក្រុងគុនមីញ បានបើកពិព័រណ៍នៅសារមន្ទីរសហសាកលវិទ្យាល័យ។
ចំពោះទីក្រុងគុនមីញ មានសាលាមួយដ៏ល្បីឈ្មោះតាំងពីសម័យដើមមកដល់បច្ចុប្បន្ននេះ គឺជា“វប្បធម៌ប្រវត្តិសាស្ត្រដែលពោរពេញដោយកម្លាំង” ។ វាគឺជាសហសាកលវិទ្យាល័យជាតិនិរតី។ នៅឆ្នាំ១៩៣៨ ប្រទេសចិនមានបញ្ហាផ្ទៃក្នុង និងខាងក្រៅប្រទេស សកលវិទ្យាល័យប៉េកាំង សកលវិទ្យាល័យឈីងហួនិងសកលវិទ្យាល័យណានខៃបានផ្លាស់ទីមកទីក្រុងណ គុនមីញ ហើយបានរួមគ្នាបង្កើតឡើងនួវសហមហាវិទ្យាល័យជាតិនិរតី ប្រចាំទីក្រុងគុនមីញដែលមានរយៈពេល៨ឆ្នាំ។
ពិព័រណ៍គំនូរលើកនេះ បានប្រមូលផ្តុំស្នាដៃគំនូរ៣៧ផ្ទាំងនៃវិចិត្រករទាំង២៧រូបដែលចំណាយរយៈពេលមួយឆ្នាំកន្លះ គំនូរនៃពិព័រណ៍នេះ បង្កើតឡើងដោយព្រឹត្តិការណ៍ប្រវត្តិសាស្ត្រសំខាន់ អ្នកល្បីល្បាញក្នុងប្រវត្តិសាស្ត្រនិងកេរ្តិ៍ដំណែលវប្បធម៌ ដោយយកព្រឹត្តិការណ៍សំខាន់ក្នុងអំឡុងពេលសហសាកលវិទ្យាល័យជាតិនិរតីស្ថិតនៅទីក្រុងគុនមីញជាស្នូល រួមទាំងបង្ហាញទំនៀមទំលាបនៃទីក្រុងគុនមីញនាពេលនោះផងដែរ។
ពិព័រណ៍លើកនេះបាននាំយកនូវធនធានវប្បធម៌ប្រវត្តិសាស្រ្តចេញពីសៀវភៅមកកាន់មុខ អ្នកទស្សនាហើយអាចលើទឹកចិត្តសម្រាប់មនុស្សជំនាន់ក្រោយនិងជំនាន់ក្រោយទៀតផង៕
អ្នកនិពន្ធ៖ លីហ្សា