នាព្រឹកថ្ងៃទី២០ ខែឧសភា “ការប្រកួតប្រជែង រត់ប្រណាំង១០គីឡូម៉ែត្រតាមប្រទេសចិនដោយសប្បាយរីករាយ”ឆ្នាំ២០១៨ នៅទីក្រុងគុនមីញ(Kunming)បានបាញ់កាំភ្លើងនិងចាប់ផ្តើមរត់ជាផ្លូវការ អ្នករត់ចំនួនជាង២០០០នាក់បានចេញដំណើរពីសួនពិព័រណ៍ពិភពលោកគុនមីញ។
ទីកន្លែងប្រកួតប្រជែងលើកនេះគឺ សួនពិព័រណ៍ពិភពលោកគុនមីញដែលមានទំហំដី ២១៨ហិចតា អត្រាគ្របដណ្តប់នៃរុក្ខជាតិមានដល់ ៧៦.៧% ជាសួនអន្តរជាតិធំជាងគេក្នុងអាស៊ីអាគ្នេយ៍នៅពេលបច្ចុប្ប្នននេះ។ នៅទីនេះ អ្នករត់អាចរត់ដោយសប្បាយរីករាយតាមផ្លូវរត់ដែលបានក្រាលដោយផ្កា។
ដើម្បីធានាអារម្មណ៍ល្អចំពោះការចូលរួមការប្រកួតប្រជែងលើកនេះរបស់អ្នកចូលរួមប្រកួត ភាគីរៀបចំបានយកចិត្តទុកដាក់ខាងសេវាកម្ម ដូចជា ទីមួយ អ្នករត់ម្នាក់ៗអាចទទួលរយៈពេលរត់ដោយទៀងទាត់ពីបន្ទះឈីប(Chip)ដោយប្រើបានតែម្តង ទីពីរប្រព័ន្ធសុខាភិបាលយ៉ាងល្អប្រសើរបានផ្តល់ការធានានិងថែរក្សាយ៉ាងខ្លាំងលើគ្រប់វិស័យសម្រាប់ការការពារជិវិតនៃអ្នករត់ ទីបី តាមផ្លូវរត់បានរៀបចំស្ថានីយ៍តន្ត្រី DJដើម្បីគាំទ្រដល់អ្នករត់។
ក្រៅពីនេះ អ្នកសារព័ត៌មានទទួលដំណឹងថា ឆ្នាំនេះជាខួបលើកទី១០ដែលទីក្រុងប៉េកាំងបានប្រារព្ធកម្មវិធីកីឡាអូឡាំពិក ហើយភាគីរៀបចំបានអញ្ចើញជាកិតិ្តយសពីអ្នកកាន់ភ្លើងជនជាតិភាគតិចនៅអូឡាំពិកធ្វើជាអ្នកនាំរត់ក្នុងការប្រកួតប្រជែងនេះ។
អ្នករត់មានឱកាសអាចទទួលបានរហស្សនាមជា“វិរៈបុរសរីករាយ” អ្នកទទួលខុសត្រូវនៃភាគីរៀបចំបាននិយាយថា “ ‘វិរៈបុរសរីករាយ’ បានក្លាយទៅជានិមិត្តរូបនិងគោលដៅនៃអ្នលរត់ទូទាំងប្រទេសចិន គេជាអ្នករត់យ៉ាងហ្មត់ចត់ ក៏ជាអ្នកផ្តល់យោបល់ក្នុងវិស័យរត់ប្រណាំងផងដែរ។ អ្នករត់ជាច្រើនបានហ្វឹកហាត់ដើម្បីទទួលបានរហស្សនាមជា ‘វិរៈបុរសរីករាយ’ ហើយទៅតំបន់នានានៃប្រទេសចិនដើម្បីចូលរួមការប្រកួតប្រជែង‘ការរត់តាមប្រទេសចិនដោយសប្បាយរីករាយ’៕”
អ្នកសារព័ត៌មាន៖ ចៅកាង (ZHAOGANG)
អ្នកនិពន្ធ៖ លីហ្សា