ពិធី“បើកទ្វារសំណាប”ជាពិធីពិសេសម្យ៉ាងក្នុងវប្បធម៌ដាំដុះស្រូវ ក៏ជាសកម្មភាពសែនយ៉ាងឱឡារិកមួយផងដែរមុនពេលដាំសំណាប។ ភាសាហានីហៅថា “ខាំងអឺផរ” គឺមានន័យថា“សេចក្តីសប្បាយរីករាយក្នុងពិធីបុណ្យ”។
ភ្ជួររាស់ស្រែ។ តាមអារម្មណ៍ជនជាតិហានីបានយល់ដឹងថា សត្វគោមិនចេះនិយាយភាសាទេ ប៉ុន្តែចេះស្តាប់ភាសាមនុស្សបាន។ សត្វគោបានក្លាយទៅជាដៃគូជិតស្និទ្ធជាងគេក្នុងប្រវត្តិនៃការធ្វើស្រែជាងរាប់ពាន់ឆ្នាំ។
ចបកាប់ក្នុងដៃនៃជនជាតិហានី ត្រូវបានបង្កើតឡើងក្នុងពេលតែមួយឬមុនជាងដីស្រែជណ្តើរ ។ ពិធី“បើកទ្វារសំណាប”ជាការងាសំខាន់ជាងគេសម្រាប់កសិករផលិតស្រូវក្នុងមួយឆ្នាំ។ ក្រៅពីកសិករធ្វើការនៅកន្លែងឆ្ងាយៗ កសិករនៅកន្លែងជិតៗសុទ្ធតែត្រូវត្រឡប់មកដល់ស្រុកកំណើតវិញ ដើម្បីចូលរួមពិធី“បើកទ្វារសំណាប”។ គេនឹងបួងសួងថា ចូលឆ្នាំថ្មីផ្ទះចាស់និងផ្ទះថ្មីសុទ្ធតែល្អប្រសើរ។ ពួកគេបានដឹងថា ទោះបីជាដើរចេញទៅកន្លែងឆ្ងាយយ៉ាងណា ឬសនៅតែនៅកន្លែងដដែល។
ស្ត្រី យីឆឹក(ជនជាតយីឆឹកជាស្រឡាយនៃជនជាហានី)ដែលស្លៀកពាក់ស្អាតៗដើរតាមដីស្រែជណ្តើរ។ ដល់ថ្ងៃ“បើកទ្វារសំណាប”ពួកគេនឹងរកសម្លៀកបំពាក់ដ៏ស្អាតជាងគេ ពាក់គ្រឿងអលង្ការប្រាក់មានតម្លៃជាងគេ ហាក់ដូចជាទៅចូលសកម្មភាពទំនាក់ទំនងក្នុងសង្គមថ្នាក់ខ្ពស់ផងដែរ។
នេះជាម្ហូបសែនដែលរៀបចំដោយលោក ឈាន ស៊ីហូវ(QIANSIHOU)ម៉ូភី(ជាមនុស្សចាស់ដែលសម្បូរចំណេះវិជ្ជានិងត្រូវបានគេគោរព)។
លោក ឈាន ស៊ីហូវ ប្រើសូណាមួយ(ឧបករណ៍តន្ត្រីម៉្យាង)ទៅស្រែផ្លុំ“តន្ត្រីបើកសំណាប” ជនជាតិហានីហៅ សូណាជា“ឆឹកចាន”គឺមានន័យថា សម្លេងឱ្យដាំដុះស្រែ។ សម្លេងនេះបានប្រាប់មុនស្សថា ដល់ពេលវេលាដាំសំណាបហើយ ក៏មានន័យ សម្រាប់ដាស់ឱ្យដីស្រែជណ្តើរភ្ញាក់ឡើងវិញផងដែរ។
តាមធម្មតា ដីស្រែដាំស្រូវនៅឆ្ងាយពីភូមិដ្ឋាន ដូច្នេះ បាយថ្ងៃត្រង់គេបរិភោគនៅដីស្រែ ដើម្បីកុំឲ្យខាតពេលវេលាដាំដុះសំណាប។
ក្នុងដីស្រែជណ្តើរគ្មាន“ទ្វារសំណាប”ដែលអាចមើលឃើញដោយភ្នែកនោះទេ តែមាន“ទ្វារសំណាប”ដែលគេអាចទទួលអារម្មណ៍បាននិងស្តាប់បាន។
ជនជាតិហានីកែប្រែការងារដ៏នឿយហត់ក្នុងដីស្រែជណ្តើរក្លាយទៅជាបទចម្រៀងនិងរបាំ។ ពួកគេមិនគ្រាន់តែលះបង់ចំណីអាហារជួនមកដល់យើងគ្រប់គ្នានោះទេថែមទាំងធ្វើការលះបង់ជូនដល់សិល្បៈថែមទៀតផង។
អ្នកសារព័តមាន៖ ឡូហាន(LUOHAN)
អ្នកនិពន្ធ៖ លីហ្សា