នៅថ្ងៃប្រារព្ធអាពាហ៍ពិពាហ៍នៃជនជាតិអាឆាំង(ជនជាតិអាឆាងជាជនជាតិភាគតិចនៃប្រទេសចិន) មិត្តភក្តិល្អនិងញាតិសណ្តាននៃគ្រួសារកូនក្រមុំនឹងរៀបចំ“ឧបសគ្គ”គ្រប់បែបយ៉ាងដើម្បីធ្វើបាបកូនកំលោះ។ ក្នុងឧបសគ្គជាច្រើននេះ “ចង្កឹះវែងលេងកូនកំលោះ”ជាឧបសគ្គដ៏ពិសេសបំផុតមួយ។ “ចង្កឹះវែង”នេះធ្វើពីឬស្សី មានប្រវែងប្រហែល ៣ម៉ែត្រ នៅពាក់កណ្តាលបានរុំក្រដាសក្រហមប៉ុន្មានជុំ។ មិនគ្រាន់តែយ៉ាងនេះប៉ុណ្ណោះទេ ថែមទាំងមានព្យួរពោតនិងផ្លែសូកូឡាជាដើមនៅលើចង្កឹះ ដូច្នេះ ចង្កឹះវែងមួយគូដែលធ្វើឱ្យមានទម្ងន់ប្រមាណ១៥គីឡូក្រាម។កូនកំលោះត្រូវប្រើចង្កឹះវែងនេះ ចាប់ចំណីដ៏ឆ្ងាញ់ពិសានៅលើតុវែងជូនចានរបស់សមាជិកគ្រួសារនៃកូនក្រមុំ។
ច្រៀងបទចម្រៀងស្នេហាដើម្បីស្វែងរកសង្សារ
នៅថ្ងៃប្រារព្ធពិធីអាពាហ៍ពិពាហ៍នោះ កូនកំលោះស្លៀកពាក់សំលៀកបំពាក់នៃជនជាតិអាឆាងពាក់ខ្សែសូត្រក្រហម។នឹកដល់អាចទទួលកូនក្រមុំYang Yumeiមកផ្ទះខ្លួនឯងវិញ មុខមាត់រំភើបរបស់កូនកំលោះZhao Cexing លាក់មិនជិតអំពីក្តីរីករាយរបស់ខ្លួន។ យុវវ័យនៃតំបន់នោះបានជាប់និស្ស័យស្នេហាភាគច្រើនគឺដោយសារការទៅលេងផ្សារ ឯកូនកំលោះ Zhao Cexingនិង កូនក្រមុំ Yang Yumei ក៏ដូចគ្នាដែរ។
នៅសម័យព័ត៌មានមានភាពបិទជិត គ្មានឧបករណ៍បញ្ជូនសារនេះ ការផ្លាស់ប្តូរមនោសញ្ចេតនាឬបង្ហាញសេចក្តីស្រឡាញ់រវាងបុរសនិងនារីនៃជនជាតិអាឆាំងសុទ្ធតែពឹងផ្អែកតាមរយៈបទចម្រៀង។
នៅថ្ងៃប្រារព្ធពិធីអាពាហ៍ពិពាហ៍នោះ ក្នុងទីធ្លានៃផ្ទះកូនក្រមុំរៀបចំនូវតុការយ៉ាងវែង។“ឧបសគ្គ”ពិតប្រាកដទើបចាប់ផ្តើម គឺ“ចង្កឹះវែងលេងកូនកំលោះ” ដោយសារចង្កឹះធ្ងន់ពេក ដើម្បីបញ្ចុះទម្ងន់ កូនកំលោះZhao Cexing យកអាំងបាវ ចែកឱ្យមិត្តភក្តិនិងញាតិសណ្តាន ទើបអាចយកចេញវត្ថុដែលរុំនៅលើចង្កឹះខ្លះៗ។ ចាប់ទៅវិញទៅមកប៉ុន្មានដង កូនកំលោះញ័រដៃញ័រជើង បែកញើសពេញក្បាល មើលទៅគួរឱ្យចង់សើចណាស់។
ឆ្លងកាត់ការពុះពារឧបសគ្គជាច្រើន កូនកំលោះZhao Cexingបានទទួលការយល់ព្រមនិងការកោតសរសើរពីឳពុកម្តាយរបស់កូនក្រមុំ។
អ្នកសារព័ត៌មាន៖ Duan Jianxin
អ្នកនិពន្ធ៖ លីហ្សា