មុនពេលថ្ងៃប្រារព្ធពិធីអាពាហ៍ពិពាហ៍ កូនកម្លោះត្រូវនាំក្រុមអាពាហ៍ពិពាហ៍មកដល់មុខទ្វារផ្ទះរបស់កូនក្រមុំ តែទ្វារនោះមិនងាយនឹងបើកនោះទេ។ កូនកម្លោះឃើញដូចនេះតែមិនតក់ក្រហល់នោះទេ ដោយសារបានអញ្ជើញមេអណ្តើក មកដោះស្រាយ។
មេអណ្តើកនៃជនជាតិណាស៊ីពិតជាពូកែណាស់ មិនគ្រាន់តែចេះចូលស្តីដណ្តឹងទេ ថែមទាំងចេះច្រៀងចម្រៀងឆ្លងឆ្លើយទៀត ជាពិសេស ចម្រៀងនេះជាចម្រៀងបុរាណនៃជនជាតិណាស៊ី។ មេអណ្តើកដែលត្រូវបានអញ្ជើញមកដោយកូនកម្លោះនិងDongbaដែលត្រូវបានអញ្ជើញមកដោយកូនក្រមុំ ម្នាក់នៅខាងមុខទ្វារ ម្នាក់ទៀតនៅខាងក្រោយទ្វា រច្រៀងចម្រៀងឆ្លងឆ្លើយទៅវិញទៅមក ឯមិត្តភក្តិនិងសាច់ញាតិនៃកូនកម្លោះនិងកូនក្រមុំស្តាប់ហើយសើចយ៉ាងសប្បាយរីករាយ។ មានតែច្រៀងចម្រៀងឆ្លងឆ្លើយឱ្យស៊ីគ្នាទេ ទើបគេអនុញ្ញាតឱ្យចូលទ្វារបាន។(Dongbaជាឈ្មោះនៃជនកាន់សាសនាប្រពៃណីជនជាតិណាស៊ី មានន័យថា“អ្នកប្រាជ្ញ”)
ក្រោយពីកូនកម្លោះបានចូលរួច ក្រុមអាពាហ៍ពិពាហ៍នៃកូនកម្លោះបានដាក់បណ្តាការឱ្យកូនក្រមុំនៅក្នុងទីធ្លាជាបន្ទាន់ បើកូនក្រមុំពេញចិត្តនឹងបណ្តាការទាំងនេះហើយ ទើបអាចប្រមូលបណ្តាការដាក់ចូលក្នុងផ្ទះបាន។ បន្ទប់មក កូនកម្លោះត្រូវផឹកស្រា ពេលផឹកស្រានេះក៏មិនអាចខ្វះបាននូវការច្រៀងចម្រៀងឆ្លងឆ្លើយនោះឡើយ ។ ក្នុងស្រាបានដាក់ស្លឹកឈើCypressជនជាតិណាស៊ីហៅស្រានេះជាស្រាពុល មិនមែនថាក្នុងស្រាមានជាតិពុលទេ មានន័យថា ស្រានេះមិនអាចផឹកតាមចិត្តបាន បើផឹកស្រានេះរួច កូនក្រមុំត្រូវរៀបការជាមួយកូនកម្លោះជាដាច់ខាត មិនអាចស្តាយក្រោយនោះទេ។
ដល់ព្រឹកថ្ងៃទីពីរ ម្តាយកូមក្រមុំត្រូវធ្វើនំឱ្យកូនក្រមុំ ឯមិត្តភក្តិនិងសាច់ញាតិត្រូវជូនអំណោយឱ្យកូនកម្លោះ កូនកម្លោះនិងកូនក្រមុំនឹងធ្វើដំណើរការទៅកាន់ផ្ទះកូនកម្លោះដើម្បីត្រៀមធ្វើពិធីអាពាហ៍ពិពាហ៍។
នៅថ្ងៃទីពីរក្រោយពីបញ្ចប់ពិធីអាពាហ៍ពិពាហ៍ មិត្តភក្តិនិងសាច់ញាត់នៃកូនក្រមុំត្រូវទៅកាន់ផ្ទះឪពុកក្មេកនិងម្តាយក្មេកសិន បន្ទាប់មក កូនកម្លោះនឹងជូនកូនក្រមុំទៅផ្ទះឪពុកក្មេកនិងម្តាយក្មេក ហើយទទួលឪពុកក្មេកនិងម្តាយក្មេកទៅកាន់ផ្ទះកូនកម្លោះជាមួយគ្នា។ ពេលនោះដន្លងនៃគ្រួសារទាំងពីរទើបអាចជួបគ្នាបាន។
អ្នកសារព័ត៌មាន៖ Liu Jiatong Duan Jianxin
ប្រភពរូបថត៖ Liu Jiatong
អ្នកនិពន្ធ៖ លីហ្សា