បុណ្យវ៉ុលណាត់ស្រុក Yangbi ខេត្តយូណានបើកសម្ពោធហើយ

　　នាព្រឹកថ្ងៃទី១ ខែកញ្ញា  ក្នុងស្រុក Yangbi ប្រកបដោយបរិយកាសអ៊ូអរនិងសេចក្តីសប្បាយរីករាយ  ប្រជាជនបាន​ស្លៀកពាក់​សំលៀកបំពាក់ប្រពៃណីនៃជនជាតិខ្លួន  ដើម្បីអបអរសាទរក្នុងពិធីបើកសម្ពោធ​បុណ្យវ៉ុលណាត់(Walnut)ស្រុក Yangbi មណ្ឌលស្វយ័តDaliខេត្តយូណានឆ្នាំ២០១៨។

　　ស្រុក Yangb iស្ថិតនៅផ្នែកកណ្តាលនៃមណ្ឌលស្វយ័ត Dali ខេត្តយូណាន  នៅទីនោះមានអាកាសធាតុសមល្មម  ដី​មានកម្លាំងថែរក្សាទឹកខ្លាំង  ពន្លឺព្រះអាទិត្យពេញលេញ  មានបរិស្ថានយ៉ាងល្អប្រសើរសម្រាប់​ការលូតលាស់​ដល់​វ៉ុលណាត់។  វ៉ុលណាត់នៃស្រុក Yangbi ល្បីឈ្មោះក្នុងប្រទេសចិននិងក្រៅប្រទេសដោយសារវាមានផ្លែធំ  សំបកស្តើង  គ្រាប់សរសជាតិឆ្ងាញ់និងអត្រាចេញគ្រាប់ខ្ពស់  ហេតុនេះហើយបានជាត្រូវបានមជ្ឈ​មណ្ឌល​អភិវឌ្ឍន៍​នៃក្រុម​ប្រឹក្សារដ្ឋចិនប្រសិទិ្ធនាមថា “ភូមិវ៉ុលណាត់នៃប្រទេសចិន”។

　　យោងតាមដំណឹងបានបង្ហាញថា  បច្ចុប្បន្ននេះ   ទំហំដាំដុះវ៉ុលណាត់នៃស្រុក Yangbi បានដល់ជាង​៧១៣៣៣​ហិកតា  បរិមាណផលិតជាង៥ ម៉ឺនតោន  ផលិតផលសរុបប្រហែល១ពាន់លានយ័ន  ប្រជាជនលើសពី៧០%​សម្រេច​ការចាកចេញពីភាពក្រីក្រនិងទៅកាន់ជីវភាពរស់នៅធូរធារដោយពឹងផ្អែកលើឧស្សាហកម្មវ៉ុលណាត់។  បច្ចុប្បន្ននេះ  ឧស្សាកម្មវ៉ុលណាត់បានក្លាយទៅជាឧស្សាហកម្មសុខភាពបៃតងនៃស្រុក Yangbi ដែលមានទំហំ​គ្រប​ដណ្តប់​ធំជាងគេ  កម្លាំងពាំនាំពីឧស្សហកម្មខ្លាំងជាងគេ  និងមានប្រជាជនច្រើនជាងគេដែលទទួលបាន​ផល​ប្រយោជន៍៕

អ្នកសារព័ត៌មាន៖ Liu Rong

អ្នកនិពន្ធ៖ លីហ្សា