លោកស្រី He Jinmei ជាអ្នកស្នងតំណែងមួយរូបនៃអ្នកស្នងតំណែងទៅលើការច្រៀងចម្រៀងស្តេច Gesar បច្ចុប្បន្ននេះនៅមណ្ឌលស្វយ័ត Diqing ការច្រៀងចម្រៀងស្តេច Gesar បានក្លាយទៅជាបេតិកភ័ណ្ឌអរូបិដែលជិតនឹងបាត់បង់យ៉ាងធ្ងន់ធ្ងរព្រោះអ្នកស្នងតំណែងដែលចេះច្រៀងចម្រៀងស្តេច Gesar មិនសូវមានច្រើនឡើយ។
“តាំងពីខ្ញុំមានអាយុ១៤ឆ្នាំបានស្គាល់ការច្រៀងចម្រៀងស្តេច Gesar មក ក្នុងរយៈពេលរាប់សិបឆ្នាំ ខ្ញុំបានរៀនច្រៀងចម្រៀងស្តេច Gesar រហូតតាមលោកគ្រូ ឥឡូវនេះ ខ្ញុំអាចច្រៀងបានចម្រៀងស្តេច Gesar ទាំង៥២ដំណាក់បាន។ យ៉ាងណាក៏ដោយ ទោះបីជានៅឃុំ Tacheng ឬនៅមណ្ឌលស្វយ័ត Qiding ខ្ញុំគឺជាមនុស្សតែមួយគត់ដែលអាចច្រៀងចម្រៀងស្តេច Gesar ទាំងអស់បានក្រៅពីលោកគ្រូខ្ញុំ។”លោកស្រី He Jinmei និយាយបែបនេះ។
លោកគ្រូនេះឈ្មោះ He Mingyuan គឺជាអ្នកស្នងតំណែងថ្នាក់ជាតិនៃគម្រោងបេតិកភ័ណ្ឌការច្រៀងចម្រៀងស្តេច Gesar ។ លោកគឺជាគ្រូរបស់លោកស្រី He Jinmei ក៏ជារៀមច្បងដែលឱ្យលោកស្រី He Jinmei ជឿទុកចិត្តនិងអាស្រ័យ។ លោកគ្រូនិងកូនសិស្សទាំងពីរនាក់ច្រៀងចម្រៀងស្តេច Gesar ជាមួយគ្នា ដើម្បីធ្វើឱ្យរឿងវីរបុរសផ្សព្វផ្សាយទៅដល់ឃុំ Tacheng និងកន្លែងជុំវិញ។
ក្រោយច្រៀងចប់ចម្រៀងមួយបទ បានទាក់ទាញចំណាប់អារម្មណ៍របស់ពួកយើងយ៉ាងខ្លាំង ឯកម្លោះជនជាតិ Zang ក៏ស្តាប់ឡើងភ្ញាក់ផ្អើលផងដែរ។ ការច្រៀងចម្រៀងស្តេច Gesar គ្មានសៀវភៅក្បួនបទភ្លេងប្រគល់ឱ្យអ្នកជំនាន់ក្រោយទេ វាទទួលសុទ្ធតែពឹងផ្អែកលើការចងចាំរបស់មនុស្ស។ ហេតុនេះហើយបានជាអ្នកស្នងតំណែងមិនហានធ្វើខុសនិងមិនអាចធ្វើខុស នេះជាសំណូមពរមូលដ្ឋានសម្រាប់អ្នកស្នងតំណែង។
ដើម្បីរៀនការច្រៀងចម្រៀងស្តេច Gesar ឱ្យបានល្អប្រសើរនិងពេញលេញ លោកស្រី He Jinmei បានប្រើប្រាស់រយៈពេលសម្រាក់ស្ទើរតែទាំងអស់។ សួរលោកគ្រូម្តងមួយម៉ាត់ៗ ពេលត្រឡប់ទៅផ្ទះវិញទន្ទេញតាមមួយដំណាក់ៗ។
“សូមត្រៀមមួកកញ្ជ្រោងពណ៌លឿនឱ្យខ្ញុំ សូមត្រៀមចិញ្ចៀនដែលធ្វើដោយភ្លុកដំរីឱ្យខ្ញុំ……”មើលឃើញថាប្រជាជននៅជុំវិញសុទ្ធតែឈ្លក់វង្វេងនឹងចម្រៀងដ៏ពិរោះនេះ ភ្លើងទទួលនៃការច្រៀងចម្រៀងស្តេច Gesar មិនចេះរលត់ជាដាច់ខាត់៕
អ្នកសារព័ត៌មាន៖ Zhang Ruogu Xiong Yan Chu Donghua Li Wenjun
អ្នកនិពន្ធ៖ លីហ្សា