【វប្បធម៌ Diqingមានអ្នកស្នងតំណែង】លោកLarongxiaobaធ្វើគ្រឿងកុលាលភាជន៍ខ្មៅ ក្នុងចិត្តមានសុបិនធំផ្សេង

　　“ឪពុកខ្ញុំត្រូវបានកំណត់ជាអ្នកស្នងតំណែងវប្បធម៌អរូបិថ្នាក់ជាតិនៅឆ្នាំនេះ  ពួកយើងជាគ្រួសារធ្វើគ្រឿមកុលាលភាជន៍ខ្មៅ  ឯខ្ញុំជាអ្នកស្នងជំនាន់លើកទី៨នៃគ្រួសារខ្ញុំ។”លោក Larongxiaoba ដែលមានអាយុ២៦ឆ្នាំនិយាយបែបនេះ។

　　គ្រឿងកុលាលភាជន៍ខ្មៅ Nixi មានគ្រឿងប្រពៃណី៣៨ប្រភេទ  ហើយឆ្នាំងដីគឺជាប្រភេទមួយនៅក្នុងនោះ​។  ប្រវត្តធ្វើគ្រឿង​កុលាល​ភាជន៍​​នៃតំបន់ទន្លេ Jinsha​ និងទន្លេ​ឡានឆាងមាន៣០០០ឆ្នាំហើយ  បច្ចេកទេសសិល្បៈធ្វើគ្រឿងកុលាលភាជន៍​បុរាណបាន​បន្ត​រហូត​ដល់​បច្ចុប្បន្ននេះនៅឃុំ Nixi ។ ក្រោយពីលោក ​Larongxiaoba ​បញ្ចប់ការសិក្សាពីសាកលវិទ្យាល័យ  លោកបានត្រឡប់មកផ្ទះវិញ​ដើម្បី​បន្ត​ការសិក្សានិងធ្វើការយ៉ាងយកចិត្ត​ទុកដាក់ក្នុង​ក្រុមហ៊ុនរបស់គ្រួសារ  ប្រភេទគ្រឿងកុលាលភាជន៍ចំនួន៣៨គាត់បានរៀនចេះទាំងអស់។

　　នារដូវក្តៅនេះ  ផ្ទះ Larongxiaoba ទទួលភ្ញៀវទេសចរណ៍គ្រប់ទិសទីក្នុងប្រទេសចិនឬពិភពលោក ដែលមានចំនួន​រាប់សិបនាក់​ជារៀងរាល់ថ្ងៃ  ពួកគេមកទីនេះទស្សនា  យកបទពិសោធន៍  ឬអាចធ្វើគ្រឿងកុលាលភាជន៍ខ្មៅដោយខ្លួនឯង  តាមធម្មតា  ពួកគេឈប់​នៅទីនេះតែមួយម៉ោង​ពីរម៉ោង  យូរបំផុតគឺកន្លះថ្ងៃ។  ដោយសារធ្វើគ្រឿងកុលាលភាជន៍ខ្មៅមួយត្រូវប្រើប្រាស់ឧបករណ៍ជាងដប់ប្រភេទ  បច្ចេកទេសសិល្បៈ​៦ដល់៧ដំណាក់កាល​និងចំណាយពីរសបា្តហ៍  ហេតុនេះហើយបានជាក្រោយពីភ្ញៀវទេសចរណ៍ចាកចេញ​ពីកន្លែង​នេះរួច  មានជាងនឹងជួយ​បន្តធ្វើការងារទាំងនេះ  ក្រោយពីគ្រឿងកុលាលភាជន៍ខ្មៅដុតរួច  នឹងត្រូវបានផ្ញើឱ្យទៅកាន់ភ្ញៀវទេសចរណ៍។

　　ទោះបីជាសកម្មភាពធ្វើគ្រឿងកុលាលភាជន៍ខ្មៅដោយខ្លួនឯងបានទទួលការកោតសរសើរជាច្រើន  តែលោក Larongxiaoba មានអារម្មណ៍ថា  នៅមិនគ្រប់គ្រាន់ទេ  គាត់ចង់ឱ្យធនធានគ្រប់បែបយ៉ាងនៅនឹងកន្លែងរួមបញ្ចូលគ្នា  ធ្វើឱ្យភូមិ Tangdui ក្លាយទៅជាកូនឃុំទេសចរណ៍ពិសេស​គ្រឿងកុលាលភាជន៍ខ្មៅមួយដោយសាងសង់ជាមួយប្រជាជនដែលរស់នៅក្នុងតំបន់នេះ។

សារព័ត៌មាន៖ Zhang Ruogu  Xiong Yan   Chu Donghua  Li Wenjun

អ្នកនិពន្ធ៖ លីហ្សា