កាលពីមុនគ្មានសហករណ៍ឡើយ ប្រជាជនក្នុងភូមិបានចំណូលប្រចាំខែប្រមាណតែ១០០០យ័នដោយការលក់គ្រឿងអលង្ការប៉ាក់ ក្រោយពីសហករណ៍បានបង្កើតឡើង ផលិតផលគ្រឿងប៉ាក់បានសម្រេចបាននូវការផលិតម៉ូដតាមតម្រូវការភ្ញៀវ ស្ត្រីប៉ាក់បានចំណូលជាង២០០០យ័នក្នុងមួយខែ បើមានការកុម៉្មង់ច្រើនអាចបានចំណូល៣០០០យ័នក្នុងមួយខែក៏គ្មានបញ្ហាផងដែរ។ បច្ចុប្បន្ននេះ ស្ត្រីប៉ាក់អាចធ្វើតាមការចូលចិត្តរបស់ខ្លួន ធ្វើរចនានិងប៉ាក់កាបូបដៃ កាបូបស្ពាយ និងកន្សែងរុំកជាដើម ស្នាដៃទាំងអស់សុទ្ធតែមានតែមួយប៉ុណ្ណោះ។
កាលពីឆ្នាំ២០១៥ ឃុំ Panzhihua បានប្រើប្រាស់ម៉ូដអភិវឌ្ឍគឺ“ក្រុមហ៊ុន+សហករណ៍+មូលដ្ឋានបន្តវេន+ស្ត្រីប៉ាក់”បានបង្កើតសហករណ៍ដើម្បីអភិវឌ្ឍគ្រឿងប៉ាក់ជនជាតិ។
តាំងពីខែមីនាឆ្នាំ២០១៥កន្លងមក គ្រឿងប៉ាក់ដ៏វិចិត្របានចូលក្នុងពិព័រណ៍លក់ដូរទេសចរណ៍អន្តរជាតិប្រទេសចិន ពិព័រណ៍ចិន-អាស៊ីខាងត្បូង ពិព័រណ៍ឧស្សាហកម្មជាដើម ហើយបានទទួលការវាយតម្លៃយ៉ាងល្អ។ នាខែកញ្ញាឆ្នាំ២០១៦ ផលិតផលគ្រឿងប៉ាក់បានចូលរួមវេទិកាអនឡាញជាផ្លូវការ។
ជាមួយគ្នានេះ សមាជិកសហករណ៍បានទៅកាន់ទីក្រុងសៀងហៃ ទីក្រុង Suzhou និងទីក្រុងគុនមីញជាដើមដើម្បីសិក្សាស្រាវជ្រាវអំពីស្ថានភាពអភិវឌ្ឍនៃឧស្សាហកម្មគ្រឿងប៉ាក់ ធ្វើការផ្លាស់ប្តូរអំពីបច្ចេកវិទ្យាគ្រឿងប៉ាក់ លើកកម្ពស់សមត្ថភាពរបស់ស្ត្រីប៉ាក់ដើម្បីជំរុញតម្លៃគ្រឿងប៉ាក់ពីរាប់សិបយ័ននៅកាលមុនឱ្យឡើងដល់រយយ័នឬពាន់យ័ន៕
អ្នកសារព័ត៌មាន៖ Liu Xinwei
អ្នកនិពន្ធ៖ លីហ្សា