ថ្មីៗនេះ សកម្មភាព“ឃុំលានរានដ៏ស្រស់· យុងអានដ៏ស្អាត”បានរៀបចំនៅស្ពានយុងអាននៃទីក្រុងអាននីនខេត្តយូណាន។ សកម្មភាពនេះសំដៅទៅលើការជីកកកាយវប្បធម៌តាមតំបន់ស្ពានយុងអាន និងបង្កើតគំរូតំបន់សំខាន់ បំផុសកម្លាំងរស់រវើកសម្រាប់បង្កើតវប្បធម៌ជនជាតិតាមរយៈការច្នៃប្រឌិតថ្មី ធ្វើឱ្យជីវភាពរស់នៅវប្បធម៌នៃប្រជាជនទីក្រុងកាន់តែសម្បូរបែប ថែមទាំងបង្កើតស្ថានភាពយ៉ាងល្អប្រសើរសម្រាប់ការទាក់ទាញទុនពីពាណិជ្ជករ។
យោងតាមការណែនាំបានឱ្យដឹងថា នៅលើច្រកស្ពានយុងអានបានព្យួរឡើងរូបភាពបុរាណជាច្រើន ព្រមទាំងតភ្ជាប់ការប្រើប្រាស់បច្ចេកវិទ្យាពហុមេឌារ ដើម្បីធ្វើឱ្យភ្ញៀវទេសចរនិងប្រជាជនក្នុងក្រុងស្វែងរកបម្រែបម្រួលនៃទីក្រុងអាននីន។ ហាងលក់តែលក្ខណៈបុរាណនៅខាងជើងស្ពានបានរៀបចំតុភ្ញៀវ ដើម្បីឱ្យភ្ញៀវទេសចរមកទីនេះសម្រាក ផឹកតែនិងពិសាអាហាសម្រន់។ ច្រកខាងត្បូងស្ពានបានរៀបចំជាកូនផ្សារប្រពៃណី ដើម្បីឱ្យសិប្បកររៀបកន្លែងលក់។ នៅចំស្ពានបានរៀបចំតុតែ តុពិណ្យជាដើម។ ក្រៅពីនេះនៅមានសកម្មភាពភ្លេងចម្រៀងលក្ខណៈបុរាណ សូត្រកំណាព្យ អ្នកជំនាញអក្សរផ្ចង់ជាដើម៕