រថយន្ត“ខេត្តយូណានចម្រុះពណ៌”នឹងតាំងបង្ហាញរហូតដល់ចុងឆ្នាំនេះ
កាលថ្ងៃទី២០ ខែតុលា ពិធីបើកសកម្មភាពតាំងបង្ហាញរថយន្ត“ខេត្តយូណានចម្រុះពណ៌”បានរៀបចំនៅសារមន្ទីរខេត្តយូណាន។ ដើម្បីឱ្យមនុស្សកាន់តែច្រើនអាចស្វែងយល់ពីភាពស្រស់ស្អាតនៃរថយន្តនេះនិងស្វែងរកបម្រែបម្រួលថ្មីនៃខេត្តយូណាន តាំងពីថ្ងៃនេះទៅរហូតដល់ចុងឆ្នាំនេះ រថយន្ត“ខេត្តយូណានចម្រុះពណ៌នឹងតាំងបង្ហាញជាសាធារណៈនៅសារមន្ទីរខេត្តយូណាន។
នាថ្ងៃទី០១ ខែតុលា ក្នុងសកម្មភាពដង្ហែក្បួនរថយន្តចម្រុះពណ៌នៃសន្និបាទអបអរសាទរគម្រប់ខួប៧០ឆ្នាំនៃការបង្កើតសាធារណរដ្ឋប្រជាមានិតចិន រថយន្ត“ខេត្តយូណានចម្រុះពណ៌ដែលតំណាងខេត្តយូណាន”បានបង្ហាញកម្លាំងទាក់ទាញយ៉ាងខ្លាំង។
យោងតាមដំណឹងបានឱ្យដឹងថា រថយន្ត“ខេត្តយូណានចម្រុះពណ៌”នឹងដឹកជញ្ជូនមកដល់ទីក្រុងគុនមីញនៅថ្ងៃទី១៤ ខែតុលា។ រថយន្តមួយគ្រឿងនេះមានប្រវែងបណ្តោយ១៥ម៉ែត្រ ទទឹង៦ម៉ែត្រ កម្ពស់៩.៦ម៉ែត្រ ហើយមានការរចនាដូចជាសត្វដំរី ក្ងោក ផ្កាស្រស់ ភ្នំទឹក ពពកចម្រុះពណ៌ ស្គរសំរិទ្ធ និងឥន្ធនូដែលបង្ហាញពីអត្ថន័យនៃការអភិវឌ្ឍក្នុងសន្ទុះយ៉ាងលឿន ថែមទាំងបន្ថែមការសម្តែងរបាំនិងចម្រៀងតំណាងជនជាតិភាគតិច បានបង្ហាញលក្ខណៈពិសេសនិងសមិទ្ធិផលនៃការអភិវឌ្ឍនៃខេត្តយូណាន ។
យោងតាមដំណឹងបានឱ្យដឹងថា រថយន្ត“យូណានចម្រុះពណ៌”នឹងធ្វើការតាំងបង្ហាញពីម៉ោង៩ដល់ម៉ោង១៧ជារៀងរាល់ថ្ងៃ ក្រៅពីនេះ នៅម៉ោង១០ព្រឹកថ្ងៃទី១៦ខែវិច្ឆិកានឹងរៀបចំសកម្មភាពដង្ហែរថយន្តព្រមទាំងតាំងបង្ហាញអំពូលភ្លើងរាត្រីដើម្បីកំដរការសម្តែងរបស់មហោស្រពយូណាន៕