កញ្ញាឡាយីសាកំពុងតែសាកល្បងលេងម៉ុងសាយនៅមហាវិទ្យាល័យ Siasចឹនចូវ។(រូបភាពនេះថតនៅថ្ងៃទី២៨ ខែតុលា)
“ខ្ញុំមិនដែលឃើញអគារខ្ពស់ៗនិងដងវិថីធំទូលាយបែបនេះទេ។”នេះជាចំណាប់អារម្មណ៍លើកដំបូងរបស់កញ្ញាឡាយីសាចំពោះប្រទេសចិន។
កញ្ញាឡាយីសាអាយុ១៧ឆ្នាំមកពីប្រទេសដីកោះមួយនៅមហាសមុទ្រឥណ្ឌាគឺប្រទេសកូម័រ។ នៅឆ្នាំ២០១៦ អ្នកព្យាបាលជម្ងឺដែលជាជំនួយអាហ្វិកពីប្រទសចិនបានព្យាបាលជម្ងឺភ្នែកជីដូនកញ្ញាឡាយីសា តាំងពីពេលនោះមក កញ្ញាកូម័រនេះកើតមានក្តីប្រាថ្នាចំពោះប្រទេសចិន។ កញ្ញាបានស្វែងរកវិទ្យាស្ថានខុងជឺតាមតំបន់ហើយចុះឈ្មោះរៀនភាសាចិន ឆ្លងកាត់ការសិក្សាដោយយកចិត្តទុកដាក់ ឡាយីសាបានឈ្នះជើងឯកក្នុងការប្រកួតប្រជែង“ ស្ពានភាសាចិន” សម្រាប់សិស្សវិទ្យាល័យទូទាំងពិភពលោកជំនាន់ទី២០នៅតំបន់កូម័រនាខែមេសាឆ្នាំនេះ ថ្មីៗនេះ នាងបានមកដល់ទីក្រុងចឹនចូវខេត្តហឺណានប្រទេសចិនដើម្បីចូលរួមការប្រកួតប្រជើង លើកនេះជាលើកដំបូងដែលឡាយីសាមកដល់ប្រទេសចិន។ក្រៅពីចូលរួមការប្រកួតប្រជែង ឡាយីសាបានចូលរួមសកម្មភាពគ្រប់ប្រភេទ ក៏ដូចជា ក្បាច់គុនចិន វេជ្ជសាស្ត្រចិនសែប្រពៃណីជាដើម ដែលធ្វើឱ្យឡាយីសាមានចាប់អារម្មណ៍ចំពោះវប្បធម៌ប្រពៃណីចិន។
ក្នុងការប្រកួតពាក់កណ្តាលផ្តាច់ព្រ័ត្រ ឡាយីសាបានច្រៀងបទចម្រៀងភាសាចិនមួយបទដែលមានចំណងជើងថា《សូមជូនពរអ្នកឱ្យមានក្តីសុខ》ដល់ទស្សនិកជន ឡាយីសាបានប្រាប់ថា បទចម្រៀងនេះបានបង្ហាញការជូនពររបស់ខ្លួនដល់ប្រជាជនចិននិងជនជាតិកូម័រ។ “សុបិនរបស់ខ្ញុំគឺអាចបន្តការសិក្សានៅប្រទេសចិន ជាពិសេសអាចរៀនអំពីវេជ្ជសាស្ត្រចិនដើម្បីទៅជួយអ្នកជម្ងឺកាន់តែច្រើនដូចជាគ្រូពេទ្យចិនដែលបានជួយព្យាបាលជីដូនខ្ញុំ៕”