កញ្ញាហ្សារានខិតខំប្រឹងប្រែងការពារ“ពណ៌ខៀវពិសេស”

　　ក្នុងផ្លូវនៃឃុំស៊ីជូវមណ្ឌលស្វយ័តជនជាតិបៃដាលី ទីធ្លាតូចហ្សារាន（ហ្សារានជាបច្ចេកទេសសិល្បៈលាបពណ៌ពិសេសម្យ៉ាង）របស់កញ្ញា Zhang Hanmin មានលក្ខណៈប្រកបដោយភាពអ៊ូអរ  ភ្ញៀវទេសចរមកទីនេះគយគន់និងប្រើទូរស័ព្ទដៃថតស្នាដៃហ្សារានដែល DIYដោយខ្លួនឯង។

　　កញ្ញា Zhang Hanmin ធ្លាប់សិក្សានៅទីក្រុងប៉េកាំង  ក្រោយពីបានបញ្ចប់សិក្សា គាត់បានធ្វើការក្នុងគំរោងសុខុមាលភាពសាធារណៈរបស់ NGO មានរយៈពេល៦ឆ្នាំ។  ប៉ុន្តែចុងក្រោយនេះ  គាត់ត្រឡប់មកទីក្រុងដាលីវិញជាមួយប្តីដើម្បីធ្វើហ្សារាន។  បច្ចុប្បន្ននេះ  គាត់ចង់ខិតខំប្រឹងប្រែងធ្វើឱ្យសិល្បៈហ្សារាននិងជីវភាពរស់នៅនៅទីនេះកាន់តែមានភាពល្អប្រសើរ។

　　ក្នុងហាងរបស់ Zhang Hanmin បុគ្គលិកពេញម៉ោងមិនសូវមានច្រើនទេ  ប៉ុន្តែស្ត្រីចេះហ្សារាននៅជុំវិញនោះសុទ្ធតែជាអ្នកជំនួយក្នុងការធ្វើហ្សារាននៅហាងនេះ។  នៅពេលមានគេ​កក់​ទំនិញ  អ្នកទាំងអស់នឹងជួយគ្នាផលិតរួមគ្នា។

　　បច្ចុប្បន្ននេះ  ហាងរបស់ Zhang Hanminបានបើកប៉ុន្មានសាខាដែរ  ភ្ញៀវទេសចរជាច្រើនដែលមកពីគ្រប់ទិសទីមកទីនេះសាកល្បងហ្សារាន  រីឯក្រណាត់ហ្សារានបានត្រូវបានរចនាជារបស់របរប្រើប្រាស់ទាន់សម័យនិងមានផលប្រយោជន៍ ដូចជា កន្សែងរុំក  មួកជាដើម។

　　កញ្ញា Zhang Hanminនិយាយដោយក្តីសប្បាយថា ៖“មានមនុស្សកាន់តែច្រើនចង់ចូលរួមជាមួយពួកយើង  ដើម្បីការពារនិងបន្តវេនវប្បធម៌នេះជាមួយខ្ញុំ  នេះជាអ្វីដែលខ្ញុំនឹកស្មានមិនដល់៕

　　អ្នកសារព័ត៌មាន៖ Wang Huan

　　ប្រភពរូបថត៖ Yang Zheng

　　វីដេអូ៖Li Wenjun

　　អ្នកបកប្រែ៖ លីហ្សា