នាថ្ងៃទី០១ ខែវិច្ឆិកា ពិធីប្រណាំងសេះក្នុងបុណ្យសែននំចាំងសាំងគឺលីឡាកំពុងតែរៀបចំដែលប្រកបដោយភាពអ៊ូអរ។ ពិធីបុណ្យប្រណាំងសេះបុណ្យសែននំចាំងសាំងគឺលីឡាជាបុណ្យទំនៀមទំលាប់ប្រពៃណីដ៏ឱឡារិកនៃមណ្ឌលស្វយ័តជនជាតិហ្សាំងឌីឆេង ក៏ជាពិធីជួបជុំធំមួយនារដូវក្តៅសម្រាប់ប្រជាជនក្នុងតំបន់និងតាមតំបន់ជុំវិញផងដែរ។ ដល់ថ្ងៃនោះ ទារកក៏ត្រូវនាំយកទៅកាន់កន្លែងប្រណាំងសេះ ដើម្បីស្វែករកអារម្មណ៍រីករាយនៃពិធីបុណ្យ។
លោក ឈូសាំងដុងជូដែលមកពីទីក្រុងខាងទីង មណ្ឌលស្វយ័តជនជាតិហ្សាំងកាន់ហ្សឺ ខេត្តយូណាននិងមានអាយុ១៨ឆ្នាំកំពុងតែអូសសេះខ្លួនដើរតាមទីតាំងប្រណាំង គាត់បាននិយាយថា ការប្រណាំងសេះជាទំនៀមទំលាប់ប្រពៃណីរបស់ជនជាតិហ្សាំងបុរសទាំងអស់សុទ្ធតែចេះជិះសេះ។ សម្រាប់ខ្ញុំតាំងពីអាយុ៨ឆ្នាំបានចាប់ផ្តើមរៀនជិះសេះ។ នៅកាលពីមុន ការជិះសេះមិនមែននៅផ្លូវស្រួលយ៉ាងនេះទេ ជាផ្លូវជម្រាលភ្នំ ពិបាកជិះណាស់។ មុនដំបូង ពួកយើងនឹងដាក់កែបសេះលើខ្នងសេះ រងចាំទាល់តែមានភាពស៊ាំនឹងការជិះសេះរួច កែបសេះត្រូវបានដោះចេញហើយធ្វើការជិះសេះដោយផ្ទាល់។
ឆ្លងកាត់ការហ្វឹកហាត់ប៉ុន្មានឆ្នាំ ពេលឈូសាំងដុងជូមានអាយុ១២ឆ្នាំបានចូលរួមការប្រណាំងសេះនៅស្រុកកំណើតខ្លួនលើកទីមួយ ឈូសាំងដុងជូនប្រាប់យើងថា ឆ្នាំនេះជាឆ្នាំទី២ដែលគាត់បានចូលរួមការប្រណាំងសេះនៅទីក្រុងសាំងគឺលីឡា។ នៅឆ្នាំមុន គាត់បានទទួលជើងឯកក្នុងការប្រណាំងល្បឿនចម្ងាយ៥០០០ម៉ែត្រ។
ក្រុមសេះមកពីគ្រប់ទិសទីបានជួបជុំនៅទីនេះជារៀងរាល់ឆ្នាំ អ្នកទាំងអស់គ្នាជ្រើសរើសទីលានមួយនៅក្រៅតំបន់ប្រណាំងបោះតង់ ដាំបាយ និយាយលេងជាមួយមិត្តភក្តិហាក់ដូចជាត្រឡប់ទៅផ្ទះវិញ៕
អ្នកសារព័ត៌មាន៖ Yao Chengcheng Li Wenjun
អ្នកបកប្រែ៖ លីហ្សា