បើលោកអ្នកចូលក្នុងឃុំដុងហ្វឹងយន្តនៃទីក្រុងមីលឹកមណ្ឌលស្វយ័តជនជាតិហានីជនជាតិយីហុងហឺនៃខេត្តយូណាន លោកអ្នកនឹងមានអារម្មណ៍ថាហាក់ដូចជាចួលក្នុងពិភពរឿងនិទាន។ ស្ថាបត្យកម្ម ចម្លាក់និងទិដ្ឋភាពសួនច្បារគ្រប់បែបយ៉ាងដែលមានរូបរាងខុសៗគ្នា សុទ្ធតែបង្ហាញនូវកម្លាំងស្រមើលស្រមៃយ៉ាងសែនឆ្ងាយរបស់អ្នកច្នៃប្រឌិត។
ស្ថានបត្យករដ៏ល្បីឈ្មោះក្នុងនិងក្រៅប្រទេសចិនបានស្ថាបនាសារមន្ទីរ អគារវិចិត្រសិល្បៈសណ្ឋាគារសិល្បៈជាដើមនៅទីនោះ ដែលនៅក្រោមប្រធានបទខុសៗពីគ្នា។
“ខ្ញុំពិតជាចូលចិត្តកន្លែងនេះណាស់ ទីនេះស្រស់ស្អាត ដែលអាចបំផុសអារម្មណ៍ច្នៃប្រឌិតរបស់ខ្ញុំ” សិល្បករមកពីប្រទេសកាណាដានិយាយយ៉ាងនេះ។ ជាមួយគ្នានេះ លោកស្រីកំពុងតែគូរគំនូរនៅសាលពហុមុខងារពពកពាក់កណ្តាលនៅកូនឃុំដុងហ្វឹងយន្ត។ នៅទីលានក្រៅសាលពហុមុខងារពពកពាក់កណ្តាល លោកChen Kangning អ្នកធ្វើខ្លែងប្រភេទទាន(យូណាន)និងលោក Xu Xiaoguoអ្នកស្នងតំណែងឃ្លោកវប្បធម៌ថ្នាក់ក្រុងរបស់ទីក្រុងគុនមីញបានបង្ហាញបច្ចេកទេសសិល្បៈរបស់ខ្លួនដល់ភ្ញៀវទេសចរ។ លក្ខណៈប្រពៃណីនិងសម័យទំនើប យូណាននិងពិភពលោកបានតភ្ជាប់ជាមួយគ្នាយ៉ាងជិតស្និទ្ធនៅទីនេះ។
ដល់ខែកញ្ញា ឆ្នាំ២០១៨ កូនឃុំសម្រេចបានការវិនិយោគសរុបចំនួន១ពាន់លានយ័ន និងទទួលបានភ្ញៀវទេសចរសរុបចំនួន១៩៥ម៉ឺននាក់៕
អ្នកសារព័ត៌មាន៖ Liu Ziyu Chen Fei Pu Jianbin
អ្នកបកប្រែ៖ លីហ្សា