កាលពីថ្ងៃទី ២៨ ខែមករា ជំរំផ្លាស់ប្តូរវប្បធម៌សម្រាប់យុវជននៃបណ្តាប្រទេសតាមបណ្តោយទន្លេឡានឆាង-មេគង្គបានសម្ពោធបើកនៅទីក្រុងMandalay ជាទីក្រុងល្បីខាងវប្បធម៌នៃប្រទេសមីយ៉ាន់ម៉ា យុវជនមកពីប្រទេសចិន កម្ពុជា ថៃ ឡាវ មីយ៉ាន់ម៉ានិងវៀតណាមនឹងផ្លាស់ប្តូរវប្បធម៌និងសិល្បៈប្រពៃណីរបស់ប្រទេសរៀងៗខ្លួនយ៉ាងពេញលេញនៅទីនោះ ។
លោកHongliang ឯកអគ្គរដ្ឋទូតចិនប្រចាំនៅប្រទេសមីយ៉ាន់ម៉ាបានថ្លែងថា ភាគីចិនមានឆន្ទៈរួមសហការជាមួយភាគីមីយ៉ាន់ម៉ា អនុវត្តឲ្យបានល្អនូវគម្រោងសហប្រតិបត្តិការមានពាក់ព័ន្ធនឹងទន្លេឡានឆាង-មេគង្គ ធ្វើឲ្យកិច្ចសហប្រតិបត្តិការទន្លេឡានឆាង-មេគង្គទទួលបានសមិទ្ធផលកាន់តែស្តុកស្តមនិងផ្តល់ផលប្រយោជន៍កាន់តែច្រើនដល់ប្រជាជននៃបណ្តាប្រទេសនានា ។ គម្រោងដែលបានដំណើរការនាថ្ងៃដដែលនោះគឺមានគោលបំណងផ្តល់វេទិកាសម្រាប់យុវជនដើម្បីផ្លាស់ប្តូរវប្បធម៌ លើកកម្ពស់យុវជនក្នុងការស្វែងយល់ពីកិច្ចសហប្រតិបត្តិការទន្លេឡានឆាង-មេគង្គ ៕
អ្នកបកប្រែ:Xu Xiaoxia