ព្រៃភ្នំជីនជីស្ថិតនៅស្រុកឡុភីនទីក្រុងឈុជីនខេត្តយូណាន នៅក្នុងឆ្នាំ២០០៥ ត្រូវបានវាយតម្លៃជាព្រៃភ្នំស្អាតបំផុតក្នុងប្រទេសចិន។
នាថ្ងៃទី២១ ខែកុម្ភៈ សមុទ្រផ្កា Rapeseedដ៏ស្រស់ឆើតឆាយ មានភ្ញៀវទេសចរជាច្រើនកំពុងតែគយគន់និងលេងកម្សាន្ត មានភ្ញៀវទេសចរខ្លះបានឡើងដល់វេទិកាគយគន់ទេសភាពសមុទ្រផ្កា នៅទីនេះអាចថតចេញនូវទេសភាពសមុទ្រផ្កាRapeseedទាំងស្រុងដ៏ស្អាតអស្ចារ្យ ។
អ្នកទទួលខុសត្រូវនៃតំបន់ទេសចរណ៍ណែនាំថា ក្រៅពីផ្កាRapeseed តំបន់ទេសចរណ៍នឹងដាំផ្កាចម្រុះពណ៌តាមរដូវ ដើម្បីបង្កើតតំបន់គំរូទេសចរណ៍ដីស្រែផ្កាចម្រុះពណ៌។
យោងតាមដំណឹងបានឱ្យដឹងថា ក្នុងអំឡុងពេលថ្ងៃបុណ្យចូលឆ្នាំប្រពៃណីចិនឆ្នាំ២០១៩ ព្រៃភ្នំជីនជីបានទទួលភ្ញៀវទេសចរចំនួនប្រមាណជាង៣០ម៉ឺននាក់ ប្រាក់ចំណូលសរុបចំនួន២០.៨២លានដុល្លាអាមេរិក បើប្រៀបធៀបនឹងឆ្នាំមុន បានកើនឡើង១២% និង ២០%។
ការអភិវឌ្ឍទេសចរណ៍ក៏នាំឱ្យប្រជាជននៅតំបន់នោះចាកចេញពីភាពក្រីក្រនិងឈានទៅកាន់ជីវភាពរស់នៅយ៉ាងធូរធារ អ្នកប្រកបការងារពាក់ព័ន្ធនឹងវិស័យទេសចរណ៍មានចំនួនជាង១២០០នាក់ ប្រាក់ចំណូលសរុបក្នុងមួយឆ្នាំដល់៤.៤៦លានដុល្លាអាមេរិក៕
អ្នកសារព័ត៌មាន៖ Cheng Hao
អ្នកបកប្រែ៖ លីហ្សា