មណ្ឌលស្វយ័តជនជាតិយីឈុស្យុងខេត្តយូណានជាតំបន់មួយក្នុងតំបន់ដែលមានលក្ខណៈតំណាងល្អបំផុតនៃសំលៀកបំពាក់ជនជាតិភាគតិចយូណាន។ ពេលថ្មីៗនេះ គ្រឿងប៉ាក់ជនជាតិយីដែលមានលក្ខណៈពិសេសនៅពិព័រណ៍និងពិព័រណ៍ដោះដូរឧស្សាហកម្មវប្បធម៌អន្តរជាតិចិន(ទីក្រុងសេនជេន) លើកទី១៥ បានបង្ហាញភាពស្រស់ឆើតឆាយនិងកម្លាំងទាក់ទាញថែមទៀត។ តាំងពីឆ្នាំ២០១៤ កន្លងមក គ្រឿងប៉ាក់ជនជាតិយីបានចាប់ផ្តើមដាក់តាំងពិព័រណ៍និងពិព័រណ៍ដោះដូរឧស្សាហកម្មវប្បធម៌អន្តរជាតិចិន(ទីក្រុងសេនជេន) ក្នុងរយៈពេល ៦ ឆ្នាំកន្លងមកនេះ គ្រឿងប៉ាក់ជនជាតិយីឈុស្យុងកាន់តែល្បីឈ្មោះពីមួយថ្ងៃទៅមួយថ្ងៃ ឧស្សាហកម្មគ្រឿងប៉ាក់ទូទាំងមណ្ឌលបានអភិវឌ្ឍកាន់តែឆាប់រហ័ស។
ផលិតផលគ្រឿងប៉ាក់ជនជាតិយីឈុស្យុងមានតម្លៃខ្ពស់ ប្រណិត ទាន់សម័យ ការប្រើប្រាស់ជាក់ស្តែងនិងរក្សាទុក គ្រឿងប៉ាក់ជនជាតិយីឈុស្យុងជាឧស្សាហកម្មដែលប្រកបដោយកាលានុវត្តភាពនិងប្រកបដោយលក្ខណៈច្នៃប្រឌិតថ្មី លក្ខណៈពិសេស និងមានផ្សារ ថែមទាំងស្វែងរកផ្លូវមួយអំពីការទទួលបន្ត ការពារនិងអភិវឌ្ឍបេតិកភ័ណ្ឌវប្បធម៌ដោយមានប្រសិទ្ធិភាព។
ដល់ចុងឆ្នាំ២០១៨ ក្នុងមណ្ឌលទាំងមូលមានសមាគម(សហករណ៍)គ្រឿងប៉ាក់ជនជាតិយីចំនួន៥៧ សារមន្ទីរបន្តវេនសំលៀកបំពាក់ជនជាតិយីចំនួន១៤ អ្នកបន្តវេនគ្រឿងប៉ាក់ជនជាតិយីម្នាក់ ។ ក្នុងមណ្ឌលទាំងមូលមានគ្រួសារប្រកបរបរគ្រឿងប៉ាក់ជនជាតិយីប្រមាណជាង៤០០គ្រួសារ មាននារីដេរប៉ាក់ប្រមាណជាង៥ម៉ឺននាក់ ផលិតផលសរុបប្រចាំឆ្នាំនៃឧស្សាហកម្មគ្រឿងប៉ាក់ជនជាតិយីបានលើស ១៤.៥ លានដុល្លារអាមេរិក ក្នុងចំណោមនោះ ផលិតផលប្រចាំឆ្នាំលើស១.៤៥លានដុល្លារអាមេរិកមានចំនួន២គ្រួសារ បានសម្រេចកែច្នៃស្លាកយីហោគ្រឿងប៉ាក់ជនជាតិយីមួយចំនួនដ៏ល្បីឈ្មោះ៕
អ្នកសារព័ត៌មាន៖ Zhang Zhao
អ្នកបកប្រែ៖ លីហ្សា