នារសៀលថ្ងៃទី១៩ ខែកុម្ភៈ ក្រុមជំនាញសុខាភិបាលជំនួយខេត្តហ៊ូបេក្រុមទី៦ចំនួន១៥១នាក់បានចេញដំណើរទៅកាន់ខេត្តហ៊ូបេ ដើម្បីរៀបចំការងារជួយសង្គ្រោះអ្នកជំងឺវីរុសCOVID-19 ធ្ងន់ធ្ងរ ។
យោងតាមដំណឹងបានឱ្យដឹងថា ក្រុមជំនាញសុខាភិបាលជំនួយខេត្តហ៊ូបេក្រុមទី៦ចំនួន១៥១នាក់ មកពីមន្ទីរពេទ្យចំនួន៣០។ ក្នុងនោះ មកពីទីក្រុងលីចាំងមាន៣០នាក់ មណ្ឌលស្វយ័តវេនសានមាន៣៩នាក់ សុទ្ធតែជាអ្នកជំនាញសុខាភិបាលក្រុមទីមួយក្នុងតំបន់ មណ្ឌលស្វយ័តដាលីចាត់តាំង៧៦នាក់ ក្នុងក្រុមជំនាញសុខាភិបាលលើកនេះ សាខាក្រុមទៅកាន់ទីក្រុងអ៊ូហាន(ជាទីរួមខេត្តហ៊ូបេ)មានចំនួន១៤៦នាក់ សាខាក្រុមទៅកាន់ទីក្រុងសៀងនីន(ជាទីក្រុងមួយនៃខេត្តហ៊ូបេ)មានចំនួន៥នាក់។ គិតដល់បច្ចុប្បន្ននេះ ខេត្តយូណានបានចាត់តាំងអ្នកជំនាញសុខាភិបាលជំនួយខេត្តហូបេសរុបចំនួន៩៦៨នាក់។
សូមបញ្ជាក់ថា នាថ្ងៃទី២០ ខែកុម្ភៈ ក្រុមជំនាញសុខាភិបាលជំនួយខេត្តហ៊ូបេក្រុមទី៧បានចេញដំណើរទៅកាន់ខេត្តហ៊ូបេផងដែរ។
នៅថ្ងៃទី១៩ ខែកុម្ភៈដដែល ក្រុមដឹកអ្នកជំងឺកាកបាទក្រហមប្រទេសចិនក្រុមទី៦ដែលបង្កើតឡើងដោយកាកបាទក្រហមខេត្តយូណាន បានចេញដំណើរពីទីក្រុងគុនមីញទៅកាន់ទីក្រុងអ៊ូហាន ដើម្បីចូលរួមការប្រយុទ្ធប្រឆាំងវីរុសCOVID-19។ ក្រុមនេះក៏ជាក្រុមជួយសង្គ្រោះនិងដឹកអ្នកជំងឺទីមួយដែលចាត់តាំងដោយកាកបាទក្រហមខេត្តយូណាន។ ក្នុងក្រុមនេះមានអ្នកសុខាភិបាលនិងអ្នកបើកបរចំនួន៨នាក់ នឹងជួយមជ្ឈមណ្ឌលសង្គ្រោះបណ្តោះអាសន្ន120និងមន្ទីរពេទ្យកំណត់ទទួលអ្នកជំងឺវីរុស COVID-19 ក្នុងតំបន់ធ្វើការដឹកជញ្ជូនអ្នកជំងឺផងដែរ៕
អ្នកសារព័ត៌មាន៖ Chen Yixi Huang Xingneng He qian Huang Peng Li Qiuming Chen Yunfen
អ្នកបកប្រែ៖ លីហ្សា