ជនជាតិឡាហ៊ូដែលស្នាក់នៅតំបន់ព្រំដែនខេត្តយូណានរកស៊ីដោយពឹងផ្អែកលើកការបរបាញ់ជាច្រើនជំនាន់។ ក្នុងភាសាឡាហ៊ូ ពាក្យ“ឡា”មានន័យថា សត្វខ្លា ពាក្យ“ហូ”មានន័យថា អាំងសាច់ឱ្យឈ្ងុយឆ្ងាញ់ ហេតុនេះហើយបានជាជនជាតិឡាហ៊ូត្រូវបានគេហៅថា “ជនជាតិប្រមាញ់សត្វខ្លា”។ នៅក្រុមទីបីម៉ាន់ប៉ានភូមិម៉ានណានឃុំពូលាំងស្រុកមឹងហៃមណ្ឌលស្វយ័តស៊ីសួងប៉ានណាខេត្តយូណាន តាមធម្មតា ការបរបាញ់សត្វជាការងាររបស់បុរសៗនារីណាសឺជាអ្នកប្រមាញ់សត្វគឺមានស្ត្រីតែមួយគត់ក្នុងភូមិនេះ។
ចំពោះការបរបាញ់សត្វលើកដំបូងនៅពេលណា អ្នកនាងណាសឺចាំមិនច្បាស់ឡើយ។ អ្នកនាងណាសឺនិយាយថា កាលពីមុនអ្នកក្នុងភូមិនេះដាំស្បៀងអាហារទទួលផលអាចបរិភោគតែប៉ុន្មានខែ ឯកន្លះឆ្នាំទៀតត្រូវពឹងផ្អែកលើស្បៀងអាហារដែលចែកដោយរដ្ឋាភិបាលឬឡើងភ្នំទៅបរបាញ់សត្វ។ ទោះជានារីប៉ិនប្រសព្វខាងបរបាញ់សត្វ តែពេលខ្លះក៏គ្មានផលដែរ ពេលនោះមានតែទៅជីកបន្លែព្រៃឬយ៉ាម៉ាចិន(Chinese Yam)ទៅឱ្យសមាជិកគ្រួសារបរិភោគ។
“ខ្ញុំមិនចង់បរបាញ់សត្វទៀតហើយ។”អ្នកនាងណាសឺរំលឹកវិញពេលបរបាញ់សត្វ ដែលបរិភោគមិនឆ្អែត សម្លៀកបំពាក់មានមិនគ្រប់គ្រាន់ ហើយពេលខ្លះនឹងជួបប្រទះឃើញសត្វព្រៃធំ ពិតជាមានភាពគ្រោះថ្នាក់ខ្លាំងណាស់។ តែឥឡូវនេះណាសឺមិនបាច់ទៅបរបាញ់សត្វទេដោយសារតែគោលនយោបាយជួយឱ្យចាកចេញពីភាពក្រីក្រនៃប្រទេសចិនបានធ្វើឱ្យអ្នកនាងមើលឃើញក្តីសង្ឃឹមថ្មី។