នៅដើមឆ្នាំ២០១៦ ខេត្តយូណានបានចាប់ផ្តើមធ្វើយុទ្ធនាការក្នុងការឱ្យ“ជនជាតិឆ្លងផ្ទាល់”ចាកចេញពីភាពក្រីក្រ។(ជនជាតិឆ្លងផ្ទាល់:ជាជនជាតិភាគតិចដែលចូលក្នុងសង្គមរបរសង្គមនិយមដោយផ្ទាល់ពីសង្គមបុព្វកាលឬសង្គមទាសករ)ក្រុមទីបីម៉ាន់ប៉ានត្រូវបានរដ្ឋបាលក្នុងតំបន់ចុះបញ្ជីក្នុងបញ្ជីឈ្មោះភូមិដ្ឋានក្រីក្រធ្ងន់ធ្ងរដែលតាំងជាភូមិសំខាន់ឱ្យចាកចេញពីភាពក្រីក្រ។ រដ្ឋបាលបានចាត់តាំងតែម្តងនូវកម្មាភិបាលជួយចាកចេញពីភាពក្រីក្រប្រចាំភូមិ៤នាក់ដល់ភូមិជនជាតិឡាហ៊ូដែលមានគ្រួសារចំនួន១៧។ កម្មាភិបាល ៤ នាក់នេះ មិនគ្រាន់តែចេះនិយាយភាសាឡាហ៊ូ ថែមទាំងជាមនុស្សឆ្នើមក្នុងកន្លែងធ្វើការពីមុនពួកគេទទួលខុសត្រូវការដាំដុះ ចិញ្ចឹមនិងបន្តពូជសត្វ អប់រំ និងសាងសង់ផ្លូវក្នុងភូមិជាដើម។
ក្រោមការណែនាំពីកម្មាភិបាលជួយចាកចេញពីភាពក្រីក្រ គ្រួសារណាសឺបានដាំដើមតែ១.២ហិចតា។ ជាងនេះទៅទៀត គ្រួសារណាសឺបានដាំស្រូវចំនួន២៦៦៧ម៉ែត្រការ៉េនៅឆ្នាំមុន ត្រឹមមួយឆ្នាំបានទទួលផលជាង២០០០គីឡូ ពេលទំនេរ ណាសឺរៀនរាំហើយបន្ទាប់មកបង្រៀនដល់អ្នកផ្សេងទៀតក្នុងភូមិ ពេលនេះគ្រួសាររបស់ណាសឺមិនមានការព្រួយបារម្ភអំពីម្ហូបអាហារនិងសម្លៀកបំពាក់ទេ។
នៅដើមឆ្នាំនេះ ខេត្តយូណានបានប្រកាសជាផ្លូវការថាជនជាតិឆ្លងផ្ទាល់រួមទាំងជនជាតិឡាហ៊ូចំនួន៩ និងជនជាតិដែលមានចំនួនប្រជាជនតិចបានចាកចេញពីភាពក្រីក្រជាក្រុមជនជាតិទាំងមូល។ ក្រុមទីបីម៉ាន់ប៉ានបានចាកចេញពីភាពក្រីក្រដោយជោគជ័យផងដែរ។ ណាសឺនិយាយថា "កូនរបស់ខ្ញុំមិនបាច់រៀនបរបាញ់តទៅទៀតហើយ" ឥឡូវនេះក្តីសុបិន្តរបស់ណាសឺគឺសង្ឃឹមថាដើមតែនឹងធំឡើងយ៉ាងឆាប់រហ័ស។
សូមបញ្ជាក់ថា ទោះបីមានការរងផលប៉ះពាល់ពីការរាតត្បាតជំងឺកូវីដ១៩នៅឆ្នាំនេះក៏ប៉ុន្តែស្តង់ដារចាកចេញពីភាពក្រីក្ររបស់ប្រទេសចិននឹងមិនផ្លាស់ប្តូរនោះទេ ពោលគឺមិនត្រូវបានបន្ទាបឬមិនត្រូវបានតំឡើងទេ។ ស្តង់ដារចាកចេញពីភាពក្រីក្រទូទាំងប្រទេសចិននៅឆ្នាំ ២០២០ គឺប្រាក់ចំណូលសុទ្ធរបស់មនុស្សម្នាក់ប្រហែល ៤០០០ យ័នស្មើនឹង៥៦៥ដុល្លារអាមេរិក ។ "មិនព្រួយបារម្ភ" ពីរ គឺមិនព្រួយបារម្ភម្ហូបអាហារ មិនព្រួយបារម្ភលើការសៀកពាក់។ “ ការធានាចំនួន ៣”គឺកាតព្វកិច្ចធានាអប់រំជាការធានាវេជ្ជសាស្ត្រជាមូលដ្ឋាននិងការធានាសន្តិសុខគេហដ្ឋាន៕
អ្នកសារព័ត៌មាន៖ Pang Mingguang Wang Anhaowei
អ្នកបកប្រែ៖ លីហ្សា