ខេត្តយូណាននឹងខិតខំប្រឹងប្រែងកសាងខ្លួនក្លាយទៅជាទីតាំងគោលដៅដ៏សំខាន់សម្រាប់ទេសចរណ៍និងវប្បធម៌លើពិភពលោក

ថ្មីៗនេះ　ខេត្តយូណានបានចេញផ្សាយ《សេចក្តីសម្រេចអំពីការពន្លឿនការកសាងប្រព័ន្ធទំនើបកម្មឧស្សាហកម្ម》ក្នុងនោះបានកំណត់គោលដៅដែលខេត្តយូណាននឹងកែច្នៃវិស័យទេសចរណ៍-វប្បធម៌ជាឧស្សាហកម្មមានតម្លៃផលិតកម្រិតទ្រីលានយាន់ចិន។

ដល់ឆ្នាំ២០២៥  ប្រាក់ចំណូលពីវិស័យទេសចរណ៍-វប្បធម៌ទូទាំងខេត្តយូណានសរុបនឹងមានចំនួន២ទ្រីលានយាន់ចិន ឬ២៨៩.២ ប៊ីលានដុល្លារអាមេរិក ។ ដល់ឆ្នាំ២០៣០  នឹងកើនដល់៣.៥ទ្រីលានយាន់ចិនឬ៥០៦.១ប៊ីលានដុល្លារអាមេរិក  ពេលនោះ វិស័យទេសចរណ៍-វប្បធម៌នឹងមានអត្រាដល់១២%　ក្នុងGDP　ទូទាំងខេត្ត។  ដល់ឆ្នាំ ២០៣៥  នឹងខិតខំប្រឹងប្រែងកសាងខេត្តយូណានឱ្យក្លាយទៅជាខេត្តមួយដែលអភិវឌ្ឍវិស័យទេសចរណ៍-វប្បធម៌នាំមុខទូទាំងប្រទេសចិន និងជាទីតាំងគោលដៅដ៏សំខាន់សម្រាប់ទេសចរណ៍និងវប្បធម៌លើពិភពលោក។

ទី២សម្រាប់ការកែលម្អបរិយាកាសទេសចរណ៍ ពន្លឿនការសាងសង់ប្រព័ន្ធទេសចរណ៍ជាលក្ខណៈស្តង់ដារ។

ទី៥  សម្រាប់ការកែច្នៃទីតាំងគោលដៅទេសចរណ៍ដែលមានស្លាក ពន្លឿនកសាងទីតាំងគោលដៅទេសចរណ៍នៃតំបន់គំរូអភិវឌ្ឍទេសចរណ៍ជាកញ្ចប់（All-for-one tourism）រមណីយដ្ឋានទេសចរណ៍ជាដើម។

ទី៦  ក្នុងផ្នែកសាងគម្រោងធំ  គាំទ្រការអភិវឌ្ឍន៍សម្រាប់គម្រោងសំខាន់និងសហគ្រាសសំខាន់មួយចំនួន​។

ទី៧ សម្រាប់ការផ្សព្វផ្សាយនិងច្នៃប្រឌិតថ្មីនូវកិច្ចសហប្រតិបត្តិការលើវិស័យទេសចរណ៍　ពង្រឹងកិច្ចសហប្រតិបត្តិការនិងការផ្លាស់ប្តូរលើវិស័យទេសចរណ៍-វប្បធម៌រវាងខេត្តយូណាននិងប្រទេសជិតខាងនិងតំបន់នៅជំរុញជំរុញបង្កើតគំរូថ្មីដែលការអភិវឌ្ឍរួមទេសចរណ៍តាមតំបន់ដោយចែករំលែកធនធានគ្នា  ព័ត៌មានតភ្ជាប់គ្នា  ភ្ញៀវទេសចរបញ្ជូនគ្នា និងការពង្រីកទីផ្សាររួមគ្នា។  ការច្នៃប្រឌិតថ្មីនូវវិធីសាស្ត្រផ្សព្វផ្សាយទេសចរណ៍ជំរុញការធ្វើអន្តរកម្មតាមក្នុងនិងក្រៅអ៊ីនធើណែត ផ្សព្វផ្សាយទេសចរណ៍តាមតម្លូវការជាក់ស្តែងនិងបន្តពង្រីកទ្រង់ទ្រាយទីផ្សារទេសចរណ៍របស់ខេត្តយូណាន៕

អ្នកបកប្រែ៖ លីហ្សា