-អ្នករៀបរៀង
សង្គមជីវភាពធូរធារ(Xiaokangsociety)កើតចេញពីការខិតខំប្រឹងប្រែងធ្វើការ ហើយជីវភាពធូរធារធ្វើឱ្យជីវិតពោរពេញទៅដោយរស្មីត្រចះត្រចង់។ រាប់ពាន់ឆ្នាំកន្លងមក ការកសាងសង្គមជីវភាពធូរធារជាសុបិននិងការគោលបំណងរួមនៃប្រជាជនគ្រប់រូបនៅក្នុងទឹកដីនៃប្រទេសចិន។ នៅឆ្នាំ ២០២០ ប្រជាជនក្រីក្រនៃប្រទេសចិននឹងរួចខ្លួនផុតពីភាពក្រីក្រគ្រប់គ្នា ចំណែកប្រទេសចិននឹងបង្កើតនូវសង្គមធូរធារគ្រប់ជ្រុងជ្រោយ។ ខេត្តយូណានដែលមានទីតាំងស្ថិតនៅភាគនិរតីនៃប្រទេសចិន និងជាតំបន់សំខាន់មួយសម្រាប់ការកាត់បន្ថយភាពក្រីក្ររបស់ប្រទេសចិន។ នាពេលបច្ចុប្បន្ននេះ ប្រជាជនខេត្តយូណានបានឈានចូលដំណើរការនៃការកាត់បន្ថយភាពក្រីក្រដំណាក់កាលចុងក្រោយនិងកំពុងខិតខំប្រឹងប្រែងឱ្យរួចផុតពីភាពក្រីក្រហើយឆ្ពោះទៅកាន់សង្គមជីវភាពធូរធារ។ ចូលដល់រដូវរំហើយដែលមានអាកាសធាតុដ៏ល្អប្រសើរ សូមលោកអ្នកទស្សនាជាមួយអ្នកកាសែតយើង និងទៅទស្សនានៅទីក្រុង តំបន់ជនបទ វាលស្រែ និងទៅស្វែងរករឿងរ៉ាវពីជីវភាពធូរធាររបស់ប្រជាជនយូណាន ។
នៅថ្ងៃទី ២៤ ខែ កញ្ញា អ្នកសារព័ត៌មានដែលចូលរួមសកម្មភាពសម្ភាសន៍ក្រោមប្រធានបទ“ការធ្វើដំណើរនៅយូណាន ទស្សនាសង្គមជីវភាពធូរធារ(Xiaokang society)”នៃប្រព័ន្ធផ្សព្វផ្សាយអ៊ីនធើណែតទៅកាន់បរទេស ចេញពីស្រុកហុងហ៊ឺ និងដល់ឃុំបាវហួ ដើម្បីធ្វើបទសម្ភាសន៍នៅទីនោះ។ ស្រែជណ្តើរសាម៉ាបាមានទំហំរាប់ពាន់ហិចតា ដែលជាស្រែរាងជណ្តើរហានីជាប់គ្នាធំផុតក្នុងប្រទេសចិន និងស្ថិតនៅឃុំបាវហួ។ នៅឃុំបាវហួ មានស្នាមញញឹមពីរបី ដែលបានច្របាច់បញ្ចូលនឹងភាពសោកស្តាយនៃរដូវរំហើយ។ ឆ្លងកាត់អ័ព្ទក្រាស់ អាចមើលឃើញសុភមង្គលរបស់សាម៉ាបាត្រូវបាន“សរសេរ”លើទឹកមុខញញឹម ដែលមើលទៅស្រស់ស្អាតណាស់។
-គិតដល់សាម៉ាបាកាន់តែមានលក្ខណៈពិសេសរបស់ខ្លួន លោក លាវ យូ សើចឡើងយ៉ាងសប្បាយ
លោក លាវ យូ អនុប្រធានក្រសួងវប្បធម៌និងទេសចរណ៍ស្រុកហុងហ៊ឺ ពេលនិយាយទៅដល់“សណ្ឋាគារពាក់កណ្តាលភ្នំ”ទាំងពីរ ដែលកំពុងសាងសង់ លោកសើចយ៉ាងសប្បាយរីករាយ ។ លោកបានប្រាប់អ្នកកាសែតថា ការអភិវឌ្ឍទេសចរណ៍តាមប្រពៃណីកំពុងត្រូវបានផ្លាស់ប្តូរ បុគ្គលិកក្នុងតំបន់កាន់តែច្រើននឹងចូលរួមក្នុងអាជីវកម្មអភិវឌ្ឍន៍វប្បធម៌និងទេសចរណ៍ដែលមានកម្រិតខ្ពស់ ពោរពេញទៅដោយនិរន្តរភាព និងអាចទទួលបានការចាប់អារម្មណ៍ដ៏កាន់តែល្អប្រេសើរ ។
លោក លាវ យូ បានណែនាំថា តំបន់ទេសចរណ៍សាម៉ាបាជាទេសភាពស្រែជណ្តើរជិតជាងគេពីទីក្រុងគុនមីង។ សប្តាហ៍មាសចាប់ផ្តើមពីថ្ងៃទី ១ ខែ តាលា ឆ្នាំនេះ តំបន់ទេសចរណ៍សាម៉ាបានឹងត្រូវកែសម្រួលពីតំបន់ទេសចរណ៍បើកចំហទៅជាតំបន់ទេសចរណ៍បិទជិត ការសម្រួលនេះ នឹងជំរុញការងារការគ្រប់គ្រងស្តង់ដារនៃតំបន់ទេសចរណ៍។ លោកបន្តទៀតថា “យើងលើកទឹកចិត្តអ្នកភូមិឱ្យមានទំនាក់ទំនងកាន់តែច្រើនជាមួយភ្ញៀវទេសចរ នៅលើផ្លូវថ្មីដែលមានចម្ងាយ១៣ គីឡូម៉ែត្រ ដែលឆ្លងកាត់តំបន់តំបន់ទេសចរណ៍ស្រែជណ្តើរសាម៉ាបា។ ដើរតាមស្រែជណ្តើរ ភ្ញៀវទេសចរអាចជួបអ្នកភូមិកំពុងច្រៀងបទភ្លេងជនជាតិហានី ក៏អាចចាប់ត្រី ក្នុងវាលស្រែជាដើម ហើយមានការចាប់អារម្មណ៍ល្អក្នុងដំណើរកំសាន្តផងដែរ។”
-ទទួលបានភ្ញៀវទេសចរដែលមកពីគ្រប់ទីសទី លោក ឈិន ជឺកួន សើចរីករាយក្រៃលែង
លោក ឈិន ជឺកួន ជាថៅកែផ្ទះសំណាក់ បើប្រៀបធៀបនឹងជីវភាពដែលលោកចេញទៅក្រៅដើម្បីធ្វើការនៅពេលមុន លោកយល់ឃើញថា ជីវភាពសព្វថ្ងៃល្អជាងពេលមុន លោកបានប្រាប់អ្នកកាសែតថា “ស្រែជណ្តើរគឺជាការរស់រានមានជីវិតរបស់យើងខ្ញុំ គឺជាគ្រឹះនៃមនុស្សមួយជំនាន់ៗ។ ខ្ញុំចង់យាមវានៅមាត់ទ្វារផ្ទះ ក្រោយពីជំងឺឆ្លងកូវីដ-19 នឹងទទួលបានភ្ញៀវទេសចរកាន់តែច្រើន។”
ពីមុន លោក ឈិន ជឺកួន ចេញពីស្រុកកំណើតទៅធ្វើការនៅកន្លែងផ្សេងទៀតដើម្បីរកស៊ីចិញ្ចឹមជីវិត នៅពេលនោះ ធ្វើការក្រៅមានចំណូលច្រើនជាងធ្វើការនៅស្រុកកំណើត។ ទន្ទឹមនឹងការអភិវឌ្ឍវិស័យទេសចរណ៍ក្នុងតំបន់ ហើយការទស្សនាស្រែរាងជណ្តើរអភិវឌ្ឍន៍ឡើង។ ឆ្នាំ ២០១៦ លោកឆ្លៀតឱកាសនេះ ក្រោយពីបានទស្សនាការសាងសង់នៃផ្ទះសំណាក់នៅតំបន់ផ្សេង លោកបានសង់ផ្ទះសំណាក់ខ្លួននៅក្បែរស្រែរាងជណ្តើរ ដែលឈ្មោះ “ផ្ទះសំណាក់ក្បែរវាលស្រែ” ។
លោក ឈិន ជឺកួន មិនគ្រាន់តែជាថៅកែផ្ទះសំណាក់ ហើយជាអ្នករៀបចំម្ហូប មគ្គុទេសក៏ទេសចរណ៍ អ្នកបើកបរជាដើម។ អ្វីដែលសំខាន់បំផុតនោះគឺ លោកចូលចិត្តរាប់អានជាមួយភ្ញៀវទេសចរ។ លោកបានណែនាំថា “ភ្ញៀវភាគច្រើនបានមកចូលស្នាក់នៅលើសពី ៣ ដង ហើយពួកគេបានផ្តល់យោបល់ជាច្រើនដល់ខ្ញុំសម្រាប់ការកែលម្អផ្ទះសំណាក់។” ពឹងលើការបើកផ្ទះសំណាក់ លោក ឈិន ជឺកួន អាចរកចំណូលបានប្រហែល ៨ ម៉ឺនយ័នក្នុងមួយឆ្នាំ។ បច្ចុប្បន្ននេះ លោកចង់ឱ្យភ្ញៀវទេសចរណ៍មានការចាប់អារម្មណ៍កាន់តែល្អប្រសើរនៅពេលស្នាក់នៅផ្ទះសំណាក់ ដើម្បីទស្សនាទេសភាពស្រែជណ្តើរដ៏ស្រស់ស្អាត។
-ក្រោយពីស្តាប់សំឡេងនៃការអាននៅក្នុង“បណ្ណាគារភូមិ” លោកស្រី លាវ វិនជូន សើចសប្បាយយ៉ាងខ្លាំង
លោកស្រី លាវ វិនជូន ជាសមាជិកក្រុមកាត់បន្ថយភាពក្រីក្រដែលប្រចាំនៅភូមិកាថា។ ក្រោយពីឃើញថាសៀវភៅរូបភាពដែលលោកស្រីទិញបានទទួលការពេញនិយមពីកុមារ លោកស្រីសប្បាយរីករាយណាស់ និងបានប្រាប់អ្នកកាសែតថា “គោលបំណងធំបំផុតរបស់ខ្ញុំ គឺធ្វើឱ្យកុមារក្នុងតំបន់មានសៀវភៅល្អអាន និងអាចអានសៀវភៅល្អបាន។”
ក្រោយពីមកដល់ភូមិកាថា លោកស្រី លាវ វិនជូន បានព្យាយាមស្វែងរកមធ្យោបាយផ្សេងៗ ដើម្បីទាក់ទាញកុមារឱ្យមក “បណ្ណាគារភូមិ” ហើយទុកឱ្យពួកគេអភិវឌ្ឍទម្លាប់អានបន្តិចម្តងៗ។ ជាទូទៅ លោកស្រីតែងតែហៅកុមារឱ្យអង្គុយនៅក្នុងបណ្ណាគារ ស្វែងយល់និងស្រាវជ្រាវចំណាប់អារម្មណ៍របស់កុមារ និងទិញសៀវភៅដែលកុមារចូលចិត្តដោយចំណាយថវិកាផ្ទាល់ខ្លួន។ លោកស្រីបានបន្ថែមទៀតថា ខ្ញុំសង្ឃឹមថា តាមរយៈមធ្យោបាយ “ដៃតូចកាន់ដៃធំ” ធ្វើឱ្យកុមាររៀនសូត្រ មានគំនិតល្អ និងទម្លាប់ល្អ ហើយបានជះឥទ្ធិពលដល់គ្រួសាររបស់ពួកគេជាបន្តបន្ទាប់ ជាទីបំផុត អាចធ្វើឱ្យអ្នកភូមិទាំងអស់មិនគ្រាន់តែមានជីវភាពធូរធារប៉ុណ្ណោះទេ ថែមទាំងមានគំនិតនិងមធ្យោបាយចង់ក្លាយជាអ្នកមានផងដែរ។
-មានលំនៅដ្ឋានដ៏ស្រស់ស្អាត និងមានសត្វទាសាច់ លោកស្រី វូ សីវលាង សើចបិទមាត់មិនជិត
និយាយពីជីវភាពរស់នៅ អ្នកភូមិឈ្មោះ វូ សីវលាងសើចបិទមាត់មិនជិត។ លោកស្រីបានប្រាប់អ្នកកាសែតថា “ពីមុន ផ្ទះយើង លេចទឹកនៅពេលមានភ្លៀង។ ក៏ប៉ុន្តែ ឥលូវនេះ ផ្ទះយើងមិនត្រឹមតែទូលាយនិងភ្លឺប៉ុណ្ណោះទេ ថែមទាំងមានបន្ទប់បាយនិងបន្ទប់ទឹកដាច់ដោយឡែកទៀតផង។ ខ្ញុំទើបទទួលបានកូនទា ១០ ក្បាល និងកូនត្រីផ្កាស្រូវរាប់សិបគីឡូ។ ក្នុងចំណាប់អារម្មណ៍របស់ខ្ញុំ សុភមង្គលកើតចេញពីការតស៊ូ និងការខិតខំប្រឹងប្រែង តែត្រូវមានឆន្ទៈនិងខិតខំធ្វើការ នោះនឹងអាចធ្វើឱ្យជីវិតល្អប្រសើរឡើង!”
លោក វូ ហុងស៊ី ក៏ជាអ្នកភូមិក្នុងភូមិនេះដែរ មិនតែប៉ុណ្ណោះ លោក វូ ហុងស៊ី ក៏ជាសមាជិកនៃសហករណ៍ចិញ្ចឹមសត្វទានៅក្នុងភូមិ ជាមួយគ្នានោះ លោកបានចិញ្ចឹមសត្វទា ៣០ ក្បាលនាពេលបច្ចុប្បន្ន ។ លោកបានប្រាប់អ្នកកាសែតថា ប្រាក់ចំណូលប្រចាំឆ្នាំពីការលក់ពងទាគឺមានប្រហែល ៥០០០ យ័ន ហើយសហករណ៍ជួយយើងរកទីផ្សារ។ បន្លែ និងស្រូវត្រូវបានដាំដុះដោយខ្លួនឯង ប្រសិនបើមានសល់ក៏អាចនាំទៅលក់នៅផ្សារ ដែលអាចបន្ថែមចំណូល។” ឥឡូវនេះ រដ្ឋាភិបាលផ្តល់គោលនយោបាយគាំទ្រគ្រប់បែបយ៉ាងដល់តំបន់ជនបទ អាស្រ័យលើគោលនយោបាយគាំទ្រទាំងនេះ លោកចង់ពង្រីកទំហំនៃការចិញ្ចឹមសត្វទា និងអភិវឌ្ឍវិស័យទេសចរណ៍ ដែលអាចញ៉ាំងឱ្យជីវភាពរស់នៅក្នុងគ្រួសារកាន់តែល្អប្រសើរឡើងថែមទៀត។
ដើរនៅស្រែជណ្តើរសាម៉ាបា ពេលភ្លៀងរដូវរំហើយ មើលឃើញពាក្យស្លោកឃោសនាមួយជួរនៅលើជញ្ជាំងផ្ទះថា “រក្សាទេសភាពស្រស់ស្អាត នឹងធ្វើឱ្យជីវភាពពោរពេញទៅដោយសុភមង្គល។” តើជីវភាពបែបនេះមិនមែនជាសង្គមជីវភាពធូរធារនៅតំបន់ស្រែជណ្តើរសាម៉ាបាទេឬ?
អ្នកសារព័ត៌មាន៖ Wang huan Li zha Li hengqiang Li wenjun
អ្នកបកប្រែ៖ Shen yan