ទេពអប្សរផ្កា ក្ងោកបៃតង មេអំបៅចម្រុះពណ៌ ដំរីដើរតាមផ្លូវតូចធំក្នុងទីក្រុងគុនមីញ ។ នៅព្រលានយន្តហោះ ស្ថានីយ៍រថភ្លើងល្បឿនលឿន ស្ថានីយរថភ្លើងក្រោមដី ពួកគេអាចរកឃើញទេសភាពសិល្បៈ សួនផ្កា3Dចំនួន ១០០ ដើម្បីអបអរសាទរCOP15 ។
ពីរបីថ្ងៃនេះ តើភ្ញៀវទេសចររបស់ទីក្រុងគុនមីញចូលចិត្តទៅកន្លែងណាជាងគេ ? ពួកគេពិតជាទៅថតរូបជាមួយទេពអប្សរផ្កានៅទីធ្លាជីនពី និងថតរូបជាមួយក្ងោកនៅសាលហៃហ្គេង ។
ពេលឃើញសួនផ្កា3Dនៅមជ្ឈមណ្ឌលសន្និបាតនិងពិព័រណ៍អន្តរជាតិទានឈី អ្នកស្ម័គ្រចិត្តបានបញ្ជាក់ថា “ស្អាតណាស់ ! ទីក្រុងគុនមីញមិនខ្វះផ្កាទេ ប៉ុន្តែ ការបង្ហាញផ្កាតាមវិធីនេះគឺពិតជាអស្ចារ្យណាស់ !”
អ្នកទទួលខុសត្រូវនៃមន្ទីរការគ្រប់គ្រងក្រុងគុនមីងបានបញ្ជាក់ថា “យើងប្រើប្រាស់ផ្កាតុបតែងទីក្រុងគុនមីញ ដើម្បីបង្ហាញកម្លាំងទាក់ទាញរបស់ខេត្តយូណាន និងស្វាគមន៍ភ្ញៀវដែលមកពីគ្រប់ទិសដៅ ។”
អ្នកបកប្រែ៖刘蓉