ផ្ទះកុមារី អ៊ូ កាំងយូន នៅភូមិណាទូ ស្រុកយានសាន មណ្ឌលស្វយ័តជនជាតិជួងនិងមាវ ខេត្តយូណាន គេមានទេពកោសល្យ និងចិត្តស្រឡាញ់របាំបាឡេ ។ គេបានរៀនកាយវិការរបាំពិបាកៗតាមវីដេអូ ហើយនាងធ្វើបានល្អណាស់ ។
ទោះអាយុតូចក្តី នាងតែងជួយឪពុកម្តាយលក់សាច់ជ្រូក និងរៀនរបាំដោយខ្លួនឯងក្នុងតូបលក់សាច់ជ្រូក ។ ម្តាយកុមារី អ៊ូ កាំងយូន និយាយថា បើកូនស្រីចង់ទៅទីក្រុងដើម្បីរកគ្រូបង្រៀនរបាំ គ្រួសារគាត់គ្មានលុយបង់ថ្លៃសិក្សា ដូច្នេះ តាមធម្មតា កូនស្រីពួកគាត់រៀនរាំរបាំបាឡេតាមវីដេអូដោយខ្លួនឯង ។
នៅក្នុងវីដេអូ កុមារី អ៊ូ កាំងយូន រាំបាឡេក្នុងតូបលក់សាច់ជ្រូក ភ្នែកនាងធំមានស្មារតីល្អ និងមានកម្លាំង កាយវិការរាំបាឡេរបស់គេក៏ស្រស់ស្អាតដែលអាចសមរម្យបរិយាកាសអ៊ូអរក្នុងផ្សារនោះ ។
ទេពកោសល្យរាំរបាំរបស់កុមារី អ៊ូ កាំងយូន បានទាក់ទាញគ្រូវិទ្យាស្ថានរបាំប៉េកាំងពីរនាក់ ។ ពួកគាត់ជាអ្នកបង្កើត”គម្រោងខេត្តយូណានចម្រុះពណ៌” បានយកចិត្តទុកដាក់អំពីការអប់រំរបាំពីកុមារីក្នុងភូមិខេត្តយូណាន ពួកគាត់បានបោះបង់ការរស់នៅនៅក្រុងប៉េកាំង ហើយមកដល់ខេត្តយូណានដើម្បីបង្រៀនកុមារី អ៊ូ កាំងយូន។
ពេលនិយាយពីកូនសិស្សអ៊ូ កាំងយូន លោកគ្រូ គួនយូកោតសរសើរថា “គាត់បានអស្ចារ្យ ! សូមមើលកែងដៃ និងស្មា ខ្ញុំមិនច្បាស់ទេហេតុអ្វីគាត់ស្វែងយល់ពីកាយវិការនេះ ។ ខ្ញុំមិនធ្លាប់ឃើញកូនមានទេពកោសល្យដូចគាត់ទេ ។”
តាមប្រភពព័ត៌មានបានឱ្យដឹងថា គ្រូពីរនាក់បានបង្រៀនរបាំដល់កុមារី អ៊ូ កាំងយូន ហើយនាំកុមារីភូមិណាទូដែលក៏ស្រឡាញ់ការរាំរបាំនេះឆ្ពោះទៅឆាករបាំ ហើយបានចាប់ដំណើរបាំដ៏ពិសេសរបស់ពួកគាត់ ។
ពេលមានគេសួរកុមារី អ៊ូ កាំងយូន”ពេលធំឡើងអ្នកចង់ធ្វើអ្វី ” កុមារីបានឆ្លើយដោយយ៉ាងរឹងមាំថា “ចង់រាំ!”
អ្នកបកប្រែ៖刘蓉