ថ្មីៗនេះ វីដេអូគំនូរខ្សាច់ដែលយកCOP១៥ជាប្រធានបទត្រូវបានបង្ហាញតាមបណ្តាញអីុនធឺណែត។ វីដេអូនេះត្រូវបានថតឡើងដោយវិធីដ៏ពិសេស គឺគំនូរខ្សាច់ ហើយបានបង្ហាញទេសភាពដ៏ស្រស់ស្អាត ទំនៀមទម្លាប់ សត្វនិងរុក្ខជាតិជាច្រើនប្រភេទរបស់ខេត្តយូណានដ៏សម្បូរបែប និងអស្ចារ្យ។
វីដេអូគំនូរខ្សាច់បានបង្ហាញទេសភាពដ៏ល្បីល្បាញនៃខេត្តយូណាន ដូចជា ភ្នំដែលមានរាងដូចនារីដេកលក់នៅក្បែរបឹងឌៀនជឺ សំណង់ ជីនម៉ាហ្វាង ប៉មទាំងបីនៅទីក្រុងដាលី ស្រែជណ្តើរ យាន់យ៉ាង ជាដើម។ វីដេអូគំនូរខ្សាច់បានបង្ហាញទំនៀមទម្លាប់ជនជាតិនៃខេត្តយូណាន ដូចជា ពិធីបុណ្យភ្នក់ភ្លើងនៃជនជាតិយី ជនជាតិណាស៊ី និងជនជាតិតៃដែលស្លៀកពាក់ខោអាវជនជាតិ ជាដើម។ វីដេអូគំនូរខ្សាច់បានបង្ហាញសត្វនិងរុក្ខជាតិកម្រឃើញ ដូចជា ស្វារោមមាសយូណាន សត្វក្រៀលកខ្មៅ ដំរីអាស៊ី ក្ងោកបៃតងជាដើម។
តាមរយៈគំនូរដ៏ល្អប្រណិតនិងទឹកដៃដ៏ពិសេស វីដេអូនេះបានបង្ហាញអំពីខេត្តយូណានដ៏ចម្រុះពណ៌ ដូចជា កំពូលព្រិលដ៏អស្ចារ្យ ព្រៃស្បាតនៅតំបន់ត្រូពិច ទន្លេដ៏ធំ សត្វនិងរុក្ខជាតិដ៏សម្បូរបែបជាដើម។
អ្នកបកប្រែ៖李润菁
