នៅខែសីហា ឆ្នាំ ២០២១ អ្នកថតរូប ជូ វីមាន ធ្វើការនៅក្រុងឈាងហៃ ពេលគាត់ជិះរថភ្លើងទៅក្រុងគឹអឹមូ គាត់បានឈ្លក់វង្វេងនឹងទេសភាពក្រៅពីបង្អួចរថភ្លើង គឺវាលខ្សាច់ដ៏ធំល្វឹងល្វើយ ស្ថានីយ៍ថាមពលខ្យល់ដ៏ច្រើនខ្វាត់ខ្វែង រោងចក្រពាសពេញផ្ទៃដី ...
លោក ជូ វីមាន យល់ឃើញថា”ទឹកដីដ៏ធំល្វឹងល្វើយរបស់ប្រទេសចិន និងផ្លូវដែកដ៏វែងនេះ ធ្វើឱ្យយើងអាចមើលទេសភាពក្រុង ភូមិ ព្រៃទឹកភ្លៀង សមុទ្រ ខ្ពង់រាប ភ្នំព្រិលជាដើមតាមដំណើរលើរថភ្លើង ។ យើងមានតែធ្វើដំណើរតាមផ្លូវដែកចិន ទើបអាចមើលទេសភាពដ៏អស្ចារ្យនេះ ។”
ទឹកបឹងដ៏ស្ងៀមស្ងាត់ ភ្នំខ្ពស់ទាប មេឃខៀវស្រងាត់ សត្វព្រៃគួរឱ្យស្រឡាញ់... នៅក្រៅបង្អួចរថភ្លើងតាមផ្លូវដែកឈីងហៃ-ទីបេត៍ដូចជាគំនូរដ៏ស្រស់ស្អាតធ្វើឱ្យគេឈ្លក់វង្វេង ។
ក្រោយពីអ្នកលេងអ៊ីនធឺណិតបានមើលរូបភាពនេះ ពួកគេបាននិយាយថា “រដូវទាំង ៤ ទេសភាពដ៏ស្រស់ស្អាតរបស់ប្រទេសចិនសុទ្ធតែក្នុងបង្អួចរថភ្លើង ។”
លោក ជូ វីមាន សង្ឃឹមថា អាចថតរូបភាពតាមផ្លូវដែកទាំងអស់របស់ប្រទេសចិន ដើម្បីបង្ហាញពីទេសភាពរបស់ប្រទេសចិនសព្វថ្ងៃនេះ ។
អ្នកបកប្រែ៖刘蓉