នៅឃុំយីសាំង សង្កាត់ស៊ីមៅ ក្រុងភូអឺ ខេត្តយូណាន មានបឋមសិក្សាមួយឈ្មោះសាលាបឋមសិក្សាណាជី ដែលជាសាលាបឋមសិក្សាមួយតែមានគ្រឿងសម្ភារៈការពារដំរីនៅប្រទេសចិន ។
លោក ជូ ឆៅ នាយកសាលាបឋមសិក្សាណាជី បានណែនាំថា នៅឆ្នាំ ២០១៩ សាលាបានស្នើសុំមូលនិធិពីស្ថាប័ន ឈើព្រៃ និងក្រសួងអប់រំ ដើម្បីសាងសង់របងការពារដំរី ។ របងនេះមានប្រវែង ២៤ ម៉ែត្រ កម្ពស់ ៣.២ ម៉ែត្រ ធ្វើពីដែកថែបទំងន់ ១៥ តោន ។
ដើរចូលក្នុងបឋមសិក្សាណាជីត្រូវបានដើមឈើព័ទ្ធជុំវិញ ហើយមានសំឡេងអានសៀវភៅ ដែលបានក្លាយជាទិដ្ឋភាពភាពចុះសម្រុងគ្នារវាងមនុស្សនិងធម្មជាតិ ។
លោក ជូ ឆៅ បានណែនាំទៀតថា ដើមឈើទាំងនោះដាំនៅឆ្នាំ ២០១៩ ។ មុនឆ្នាំ២០១៩ ក្នុងសាលាបានដាំដើមត្នោត ប៉ុន្តែនៅឆ្នាំនោះ មានដំរីរាប់សិបក្បាលបានចូលក្នុងសាលា ហើយសុីដើមត្នោតទាំងអស់ ជាសំណាងល្អគឺពេលនោះជាវិស្សមកាលធំ ក្នុងសាលាគ្មានសិស្ស តែមានគ្រូបង្រៀនពីរបីនាក់ក្នុងសាលា ពួកគាត់នៅលើជាន់ខាងលើ គ្មានអ្នករងរបួសទេ ។
លោក ជូ ឆៅ រលឹកឡើងថា ពីមុនគ្មានរបងការពារដំរីទេ ដំរីបានចូលសាលាពីរដង គឺនៅឆ្នាំ ២០១៩ និងឆ្នាំ ២០១៧ ដំរីបានបំផ្លាញសម្ភារៈនិងដើមឈើ ។
ក្រោយពីសាងសង់របងការពារដំរី ហ្វូងដំរីបានមកជាច្រើនដងដែរ ដំរីសាកល្បាងប្រើប្រមោយបើករបង ប៉ុន្តែមិនអាចបើកទេ ដូច្នេះ ដំរីក៏បានត្រឡប់ទៅព្រៃវិញ។
ទីតាំងសាលាបឋមសិក្សាណាជីជាទីតាំងល្អប្រសើរសម្រាប់សិស្សដែលមកពីភូមិ ១៥ នៅជុំវិញសាលាមានបរិស្ថានល្អ ហើយដំរីក្រុងភូអឺកាន់តែច្រើន ដូច្នេះមានក៏មានដំរីចូលក្នុងសាលា ។ សិស្សទាំងអស់នៃបឋមសិក្សាណាជីស្នាក់នៅសាលា ក្រោយពីសាលាសាងសង់របងការពារដំរី ឪពុកម្តាយ និងគ្រូបង្រៀនលែងព្រួយទៀតហើយ ក្រៅពីនេះ សាលាបានរៀបចំការលំហាត់ដើម្បីជៀសវាងការកើតហេតុផ្សេងៗរវាងមនុស្សនិងដំរី ដែលធ្វើឲ្យមានភាពសុខដុមនារវាងមនុស្សនិងដំរី ។
អ្នកបកប្រែ៖刘蓉