អង្គការសហប្រជាជាតិបានប្រកាសរបាយការណ៍ក្រោមចំណងជើងថា 《សភាពការណ៍អាហារូបត្ថម្ភនិងសន្តិសុខស្បៀងអាហារពិភពលោក》នៅទីចាត់ការទូទៅក្រុងញូវយ៉កកាលពីថ្ងៃទី១២ខែកក្កដាបង្ហាញឱ្យដឹងថា នៅឆ្នាំ២០២០ មានប្រជាជនប្រហែល១ភាគ១០នៅទូទាំងពិភពលោកប្រឈមមុខនឹងកង្វះខាតចំណីអាហារ ។ ក្នុងនោះ ប្រជាជនដែលប្រឈមមុខនឹងការខ្វះខាតស្បៀងអាហារនៅអាស៊ីគឺចំនួន៤១៨លាននាក់ ហើយនៅអាហ្វ្រិកមានចំនួន២៨២លាននាក់ ។
របាយការណ៍បានឱ្យដឹងទៀតថា នៅឆ្នាំ២០២០ មានប្រជាជនចំនួន២ពាន់៤រយលាននាក់នៅទូទាំងពិភពលោកមិនអាចទទួលបានចំណីអាហារដែលមានអាហារូបត្ថម្ភគ្រប់គ្រាន់ទេ ដែលកើនឡើងជិត៣២០លាននាក់បើប្រៀបធៀបនឹងឆ្នាំ២០១៩ ។
របាយការណ៍បានចែងថា ដោយសាររងផលប៉ះពាល់ពីកត្តាការប៉ះទង្គិច បម្រែបម្រួលអាកាសធាតុនិងភាពថមថយនៃសេដ្ឋកិច្ចដែលបណ្តាលមកពីជំងឺកូវីដ១៩ជាដើម កម្រិតអត់ឃ្លាននៅទូទាំងពិភពលោកបានកើនឡើងយ៉ាងខ្លាំង ហើយកុមារចំនួន១ភាគ៥លើទូទាំងពិភពលោកខ្វះអាហារូបត្ថម្ភ ។