ហេតុអ្វីខ្យល់អាកាសល្អនៅកន្លែងនេះមួយតោនអាច "លក់" ក្នុងតម្លៃ ៥០ យ័ន?

　　ក្នុងរដូវក្តៅ ព្រៃឈើឡុងហឹងរបស់ឃុំលីនថាង ស្រុកឆុងយី ទីក្រុងកានចូវ ខេត្តជាំងស៊ី ចូលដល់រដូវដែលមានពណ៌ខៀវស្រងាត់ ។

　　ពេលព្រឹល លោក ហ្វាង តឹសៀន លេខាបក្សនៃភូមិទូស៊ីឃុំលីនថាង និងអ្នកការពារព្រៃឈើពីរនាក់ទៀតបានឡើងភ្នំដើម្បីល្បាត។ លោក ហ្វាង តឹសៀន បានរៀបរាប់ថា​”សព្វថ្ងៃ យើងយកចិត្តទុកដាក់លើព្រៃឈើនេះកាន់តែខ្លាំង ពីព្រោះខ្យល់អាកាសល្អនៅកន្លែងនេះមួយតោនអាច "លក់" ក្នុងតម្លៃ ៥០ យ័ន” ។

　　អត្រាគ្របដណ្តប់ព្រៃឈើនៃស្រុកឆុងអីមានប្រមាណ ៨៨.៣% ។ ព្រៃឈើឡុងហឹងមាន ២២៦៦ហិចតា ដែលភាគច្រើនជាដើម Chinese fir និងFoliage ។ ពីអតីតកាល ប្រជាជន​អាច​រក្សា​បាន​តែ​ភ្នំ​បៃតង​ក្នុង​ភាព​ក្រីក្រ ។

　　ខ្យល់អាកាសល្អអាច "លក់" ដែលលោក ហ្វាង តឹសៀននិយាយគឺ ខេត្តជាំងស៊ីកំពុងសាកល្បងការជួញដូរកាបូនក្នុងវិស័យព្រៃឈើ ។

　　លោក ហ្វាង ស៊ីផឹង នាយកនៃមន្ទីរព្រៃឈើរបស់ស្រុកឆុងអី បានបញ្ជាក់ថា “នៅឆ្នាំ ២០២១ ស្រុកឆុងអីត្រូវបានគម្រោងការជួញដូរកាបូនក្នុងវិស័យព្រៃឈើរបស់ខេត្តជាំងស៊ីបញ្ជាក់ជាតំបន់សាកល្បងអភិវឌ្ឍន៍ ។ តាមការប៉ាន់ប្រមាណ ស្រុកឆុងអីមានព្រៃឈើទំហំ២២៦៦ហិចតាត្រូវបានរួមបញ្ចូលក្នុងប្រតិបត្តិការសាកល្បង ក្នុងរយៈពេល ១០ ឆ្នាំ ហើយពេលអនាគត ចំនួនកាបូនអាចដល់ ០.៣ លានតោន ។”

　　តើតម្លៃ​​របស់ខ្យល់​ល្អ​គិតដូចយ៉ាងម្តេច?អ្នកសារព័ត៌មានមកដល់ក្រុមហ៊ុន​ជួញដូរ​ធនធាន​សាធារណៈ​ខេត្តជាំងស៊ី លើអេក្រង់បានបង្ហាញចំនួនសរុបនៃកាបូនព្រៃឈើដែលអាចត្រូវបានជួញដូររបស់ទីក្រុងជីអាន ស្រុកណានហ្វឹងរបស់ទីក្រុងហ្វូចូវ និងស្រុកឆុងអីរបស់ខេត្តកាន់ចូវ ម្ខាងទៀតគឺសរសេរតម្លៃជួញដូរគឺ”មួយគីឡូក្រាម០.០៥យ័ន។”

　　លោក វ៉ាន ហៃថោ អគ្គនាយករងនៃក្រុមហ៊ុន​ជួញដូរ​ធនធាន​សាធារណៈ​ខេត្តជាំងស៊ីបានរៀបរាប់ថា “តាមទីផ្សារពាណិជ្ជកម្មកាបូនអន្តរជាតិ និងថ្លៃដើមនៃការកាត់បន្ថយការបញ្ចេញកាបូនរបស់ក្រុមហ៊ុន យើងនិងស្ថានប័នព្រៃឈើបានចរចា និងយល់ព្រមតម្លៃការជួញដូរកាបូនក្នុងវិស័យព្រៃឈើគឺមួយគីឡូក្រាមតម្លៃ០.០៥យ័ន ដែលមួយតោន​អាចលក់ក្នុងតម្លៃ ៥០ យ័ន។”​សព្វថ្ងៃ ទំហំពាណិជ្ជកម្មកាត់បន្ថយការបំភាយដោយស្ម័គ្រចិត្តរបស់ខេត្តជាំងស៊ីជិតដល់ ៥០០០០ តោន ។

　　ប្រភព៖xinhua

　　អ្នកបកប្រែ៖刘蓉