អ្នកបើករថភ្លើងសញ្ជាតិឡាវក្រុមទីមួយនៃផ្លូវដែកចិន-ឡាវបានចូលបម្រើការងារ
ការប្រឡងបើករថភ្លើងសម្រាប់សិក្ខាកាមសញ្ជាតិឡាវនៃផ្លូវដែកចិន-ឡាវ បានបញ្ចប់កាលពីថ្ងៃទី ១៨ ខែមិថុនា សិក្ខាកាមឡាវចំនួន ៦៦ នាក់បានប្រឡងជាប់ទាំងអស់ ហើយក្លាយជាអ្នកបើករថភ្លើងសញ្ជាតិឡាវក្រុមទីមួយដែលបានចូលបម្រើការងារជាផ្លូវការ។
តាមការណែនាំពីក្រុមហ៊ុនផ្លូវដែកចិន-ឡាវភាគីឡាវ បានឱ្យដឹងថា តាំងពីខែធ្នូ ឆ្នាំ ២០២១ ផ្លូវដែកចិន-ឡាវ ដាក់ឱ្យប្រើប្រាស់ជាផ្លូវការ ទីតាំងជួសជុលរថភ្លើងល្បឿនលឿនស្ថានីយវៀងច័ន្ទនៃផ្លូវដែកចិន-ឡាវបានចាប់ផ្តើមបង្កើតជាក្រុម។ ក្រោយពីការបណ្តុះបណ្តាលចំណេះដឹង និងការអនុវត្តដោយផ្ទាល់ សិក្ខាកាមបានស្វែងយល់ពីចំណេះដឹង និងបទពិសោធន៍ការងារបើករថភ្លើង ។ ក្រោយពីការបណ្តុះបណ្តាលរយៈពេល ៦ ខែ សិក្ខាកាមឡាវចំនួន ៦៦ នាក់បានប្រឡងជាប់ទាំងអស់ ពួកគេបានសិក្សាកិច្ចការក្នុងរថភ្លើងល្បឿនលឿន រថភ្លើងដឹកទំនិញ និងក្បាលរថភ្លើងពិសេស ដំណើរការទាំងអស់ឈានដល់ឬលើសពី ១០.០០០ គីឡូម៉ែត្រ ។
តាមការណែនាំពីក្រុមហ៊ុនផ្លូវដែកចិន-ឡាវបានឱ្យដឹងថា អ្នកបើករថភ្លើងសញ្ជាតិឡាវចំនួន ៦៦ នាក់នឹងបំពេញការងារជាអ្នកបើករថភ្លើងតាមកំណាត់ផ្លូវដែកឡាវនៃផ្លូវដែកចិន-ឡាវ ដល់ពេលនោះ មានអ្នកបើករថភ្លើងសញ្ជាតិចិននិងឡាវសរុបពីរនាក់រួមគ្នាបំពេញការងារបើកបរជាធម្មតា នាពេលអនាតនឹងតម្រូវឱ្យអ្នកបើកបរឡាវបំពេញការងារតែម្នាក់ឯងជាបណ្តើរៗ៕
ប្រភព៖xinhua
អ្នកបកប្រែ៖刘蓉