ស្វែងយល់ពីបក្សកុម្មុយនិស្តចិន|ប្រជាជនចិនមានការរស់នៅដោយសន្តិភាព និងស្ថិរភាព
ដោយសារមានចំណាប់អារម្មណ៍ខ្លាំងចំពោះប្រទេសចិន នៅឆ្នាំ ២០១៨ លោក ថាន មីងតាវី មន្រ្តីលេខាធិការដ្ឋានគណៈកម្មាធិការកិច្ចការបរទេសមជ្ឈឹមនៃគណបក្សប្រជាជនកម្ពុជា និងជាមន្ត្រីវិទ្យាស្ថានជាតិពលកម្មនៃក្រសួងការងារ និងបណ្តុះបណ្តាលវិជ្ជាជីវៈប្រទេសកម្ពុជា បានបន្តការសិក្សានៅនៅសាកលវិទ្យាល័យ Shanghai Jiao Tong University ចាប់អារម្មណ៍ពីការអភិវឌ្ឍនៃប្រទេសចិន។ លោក ថាន មីងតាវី បានបញ្ជាក់ថា “បទពិសោធន៍នៃការបន្តការសិក្សានៅប្រទេសចិនធ្វើឱ្យខ្ញុំអាចស្រាវជ្រាវប្រទេសចិន និងកម្ពុជាតាមទស្សនៈរបស់ប្រទេសទាំងពីរ ដូច្នេះ អាចស្វែងយល់ពីប្រទេសចិនកាន់តែស៊ីជម្រៅ និងស្វែងយល់ពីតួនាទីរបស់ប្រទេសចិនលើពិភពលោក ។”
អ្វីដែលធ្វើឱ្យលោក ថាន មីងតាវី មានចំណាប់អារម្មណ៍ខ្លាំងគឺ ប្រជាជនចិនមានការរស់នៅដោយសន្តិភាព និងស្ថិរភាព ហើយអាចទទួលបានរបបសន្តិសុខសង្គមដែលមានគុណភាពខ្ពស់ និងយុត្តិធម៌ ដូចជា សេវាថែទាំសុខភាព លំនៅឋាន ការងារ និងការអប់រំជាដើម ។ លោកយល់ឃើញថា បក្សកុម្មុយនិស្តចិនមានគំនិតអភិវឌ្ឍន៍ដោយយកប្រជាជនជាគោល ដឹកនាំការអភិវឌ្ឍប្រទេសចិនជាសេដ្ឋកិច្ចធំទីពីរលើពិភពលោក ដែលក្លាយជាគំរូនៃការអភិវឌ្ឍលើពិភពលោក ។
លោក ថាន មីងតាវី បានបញ្ជាក់ថា “ប្រទេសចិនជាដៃគូគួរឱ្យជឿជាក់ជាងគេ។ ការចូលរួមកសាងគំនិតផ្តួចផ្តើម”ខ្សែក្រវ៉ាត់ និងផ្លូវ”បានក្លាយជាវេទិកាអន្តរជាតិដែលមានក្របខ័ណ្ឌ និងទ្រង់ទ្រាយធំបំផុត ព្រមទាំងបានបូកបញ្ជូលកម្លាំងថ្មីដល់ការអភិវឌ្ឍនៃតំបន់ និងបញ្តាប្រទេសពាក់ព័ន្ធ ។”
លោក ថាន មីងតាវី បានបញ្ជាក់ទៀតថា”តាំងពីកើតមានជំងឺកូវីដ-១៩ រដ្ឋាភិបាលបានចាត់វិធានការដ៏មានប្រសិទ្ធភាពដើម្បីគ្រប់គ្រងជំងឺកូវីដ-១៩យ៉ាងឆាប់រហ័ស ដែលបានធ្វើការរួមចំណែកយ៉ាងធំដល់ពិភពលោក នេះជាអ្វីដែលខ្ញុំសូមគោរពយ៉ាងខ្លាំង ។ ប្រទេសចិនបានផ្តល់ជំនួយដោយសកម្មដល់សហគមន៍អន្តរជាតិប្រយុទ្ធប្រឆាំងនឹងជំងឺកូវីដ-១៩។ ប្រទេសចិនបានផ្តល់វ៉ាក់សាំងសរុប ៤២ លានដូសដល់ប្រទេសកម្ពុជា ប្រទេសចិនជាប្រទេសសំខាន់ជាងគេដែលផ្តល់វ៉ាក់សាំងដល់ប្រទេសកម្ពុជា ។”
ប្រភព៖កាសែតយូណានដេលី
ដោយ វ៉ាង យូន
អ្នកបកប្រែ៖刘蓉