គម្រោងផ្លូវល្បឿនលឿនភ្នំពេញ-ព្រះសីហនុជួយបុគ្គលិកខ្មែររីកចម្រើនផ្នែកហេដ្ឋារចនាសម្ព័ន្ធ
ផ្លូវល្បឿនលឿនភ្នំពេញ-ព្រះសីហនុនៃរាជធានីភ្នំពេញនៃប្រទេសកម្ពុជាដែលតភ្ជាប់នឹងកំពង់ផែទឹកជ្រៅដ៏ធំបំផុតរបស់ប្រទេសកម្ពុជាក្នុងខេត្តព្រះសីហនុ គឺជាគម្រោងផ្លូវល្បឿនលឿនវិនិយោគដោយក្រុមហ៊ុនCRBCចិនមានប្រវែង ១៨៧.០៥ គីឡូម៉ែត្រ នឹងប្រើប្រាស់ជាផ្លូវការនៅខែកញ្ញា ឆ្នាំ២០២២ ក្រោយពីផ្លូវល្បឿនលឿននេះបញ្ចប់ការសាង់សង់ជាស្ថាពរ ពេលវេលាធ្វើដំណើរពីទីក្រុងភ្នំពេញទៅខេត្តព្រះសីហនុនឹងប្រែពី ៥ ម៉ោងមកត្រឹម ២ ម៉ោង។
នារីកម្ពុជា ណាន ស្រីពៅ អាយុ ២៦ ឆ្នាំ កំពុងចូលរួមការសាងសង់ផ្លូវល្បឿនលឿនភ្នំពេញ-ព្រះសីហនុនេះ ហើយគាត់មានមោទនភាពពីការងារនេះ ។ នាងបានរៀបរាប់ថា “អ្នកបច្ចេកទេសចិនបានបង្រៀនខ្ញុំប្រើប្រាស់ឧបករណ៍នីមួយៗ។ នៅទីនេះ ខ្ញុំបានសិក្សាបច្ចេកទេសពិនិត្យដែលមិនស្គាល់ពីមុន។ គ្រូបង្រៀននៅសាកលវិទ្យាល័យខ្ញុំតែងតែសួរខ្ញុំអំពីចំណេះដឹងបច្ចេកទេសខ្លះ ហើយគ្រូបង្រៀនខ្ញុំយល់ឃើញថា បច្ចេកវិទ្យាទាំងនេះនៅស្រុកខ្មែរជាបច្ចេកទេសទំនើបបំផុត ការសិក្សា និងបទពិសោធន៍របស់ខ្ញុំអាចជួយប្រទេសកម្ពុជាយើងលើកគុណភាពក្នុងការសាងសង់ផ្លូវល្បឿនលឿន។”
លោក ឡា តុង ជាបុគ្គលិកសន្តិសុខតំបន់ទី១នៃគម្រោងផ្លូវល្បឿនលឿនភ្នំពេញ-ព្រះសីហនុ ។ នៅឆ្នាំ ២០១៩ លោក ឡា តុង បានចូលរួមគម្រោងនេះ អ្នកទទួលខុសត្រូវរបស់គម្រោងនេះបានបញ្ជូនបុគ្គលិកចិនដែលមានបទពិសោធន៍ច្រើនទទួលខុសត្រូវបង្រៀនលោកឡា តុង ។ លោកឡា តុង ចាប់ផ្តើមការសិក្សាពីចំណេះដឹងមូលដ្ឋានរៀងរាល់ថ្ងៃ លោក ឡា តុង យកសៀវភៅកត់ត្រាសិក្សាតាមគ្រូចិន ។ គ្រូចិនបានបង្រៀនគាត់យ៉ាងអត់ធ្មត់ ។ ប៉ុន្មានឆ្នាំមក លោក ឡា តុងបានក្លាយជាអ្នកជំនាញគ្រប់គ្រងសុវត្ថិភាពដ៏ល្បីឈ្មោះនៅប្រទេសកម្ពុជា ។
ប្រភព៖xinhua
ដោយ វូ ចាំងវី
អ្នកបកប្រែ៖刘蓉