មន្ត្រីរដ្ឋាភិបាលនៃប្រទេសជាច្រើនថ្កោលទោសយ៉ាងខ្លាំងចំពោះសហរដ្ឋអាមេរិកដែលបានល្មើសនូវគោលការណ៍ចិនតែមួយ
ថ្ងៃទី ៣ ខែសីហា មន្ត្រីរដ្ឋាភិបាលនៃប្រទេសជាច្រើនថ្កោលទោសយ៉ាងខ្លាំងចំពោះលោកស្រី ផេឡូស៊ី ប្រធានសភាសហរដ្ឋអាមេរិកដែលបានធ្វើដំណើរទៅដល់តំបន់តៃវ៉ាន់នៃប្រទេសចិន មន្ត្រីរដ្ឋាភិបាលបានយល់ឃើញថា ភាគីអាមេរិកល្មើសយ៉ាងធ្ងន់ធ្ងរនូវការប្តេជ្ញាចិត្តចំពោះចិន និងបំផ្លាញគោលការណ៍ចិនតែមួយ ។
លោក Sergei Lavrov រដ្ឋមន្ត្រីការបរទេសរុស្ស៊ីបានយល់ឃើញថា យើងមិនដឹងថា ហេតុអ្វីសហរដ្ឋអាមេរិកធ្វើដូចបែបនេះ រឿងដែលលោកស្រី ផេឡូស៊ី ប្រធានសភាសហរដ្ឋអាមេរិកបានធ្វើដំណើរទៅដល់តំបន់តៃវ៉ាន់នៃប្រទេសចិនបានបង្ហាញម្តងទៀតថា សហរដ្ឋអាមេរិកមិនគោរពច្បាប់ មិនគ្រប់គ្រងខ្លួនទាំងស្រុងទេ ធ្វើអ្វីតាមចិត្តមិនគិតពីលទ្ធផលចុងក្រោយ។
លោក សុខ សូកេន រដ្ឋលេខាធិការ ក្រសួងការបរទេស និងសហប្រតិបត្តិការអន្តរជាតិ និងជាប្រេសិតអាស៊ានរបស់ប្រទេសកម្ពុជា យល់ឃើញថា លោកស្រី ផេឡូស៊ីត្រូវគោរពគោលការណ៍ចិនតែមួយ និងការកំណត់នៃសេចក្តីប្រកាសរួមទាំង ៣ រវាងចិននិងសហរដ្ឋអាមេរិក ។ ចំពោះប្រទេសកម្ពុជា យើងប្រកាន់ខ្ជាប់នូវគោលការណ៍ចិនតែមួយ និងការកំណត់នៃសេចក្តីប្រកាសរួមទាំង ៣ រវាងចិននិងសហរដ្ឋអាមេរិក ។ យើងជឿជាក់ថា គោលការណ៍ និងឯកសារសំខាន់នោះគឺជាមូលដ្ឋានសម្រាប់រក្សាស្ថិរភាពនៃទំនាក់ទំនងចិន-អាមេរិក និងទំនាក់ទំនងរវាងតំបន់ទាំងសងខាង ។
លោក Mushahid ប្រធានគណៈកម្មាធិការការពារជាតិព្រឹទ្ធសភាប៉ាគីស្ថាន បានបញ្ជាក់ថា ប្រទេសប៉ាគីស្ថានគាំទ្រឯកភាព អធិបតេយ្យភាព និងបូរណភាពទឹកដីរបស់ចិន យើងយល់ឃើញថា អាកប្បកិរិយាបង្កហេតុរបស់លោក Sergei Lavrov បានឆ្លងកាត់បន្ទាត់ដែលយើងមិនអាចទទួលបាន ។ ចំពោះបញ្ហាការពារអធិបតេយ្យភាព និងបូរណភាពទឹកដីរបស់ចិន ប៉ាគីស្ថានឈរជាមួយចិន និងប្រឆាំងរាល់ការបង្កហេតុដែលប្រឆាំងនឹងតៃវ៉ាន់។
ប្រភព៖xinhua
អ្នកបកប្រែ៖刘蓉