ស្វែងយល់ពីបក្សកុម្មុយនិស្តចិន|លោក មេឡូយ៉ម ប្រាហ៊ីមី អ្នកស្រាវជ្រាវជាន់ខ្ពស់នៃមជ្ឈមណ្ឌលស្រាវជ្រាវអាល់វ៉ាសលទីក្រុងឌូបៃ ប្រទេសអារ៉ាប់រួម៖ធ្វើឱ្យកិច្ចសហប្រតិបត្តិការផ្តល់ផលប្រយោជន៍ដល់ប្រជាជនទាំងពីរ
លោក មេឡូយ៉ម ប្រាហ៊ីមី អ្នកស្រាវជ្រាវជាន់ខ្ពស់នៃមជ្ឈមណ្ឌលស្រាវជ្រាវអាល់វ៉ាសលនៃទីក្រុងឌូបៃ ប្រទេសអារ៉ាប់រួម និងជាអ្នកជំនាញការទំនាក់ទំនង និងកិច្ចការអារ៉ាប់រួម-ចិន យល់ឃើញថា “ក្រោមការដឹកនាំពីបក្សកុម្មុយនិស្តចិន ប្រទេសចិនបានទទួលអច្ឆរិយៈលើការអភិវឌ្ឍធ្វើឱ្យពិភពលោកភ្ញាក់ផ្អើលយ៉ាងខ្លាំង ។ ការដឹកនាំរបស់បក្សកុម្មុយនិស្តចិនគឺជាមូលដ្ឋានសម្រាប់ការអភិវឌ្ឍរបស់ប្រទេសចិន។”
លោក មេឡូយ៉ម ប្រាហ៊ីមី មានចំណាប់អារម្មណ៍យ៉ាងខ្លាំងចំពោះការអភិវឌ្ឍនៃទំនើបកម្មបែបចិន។ លោកបានរៀបរាប់ថា “ប៉ុន្មានឆ្នាំកន្លងមកនេះ ប្រទេសចិនបានកសាងបណ្តាញផ្លូវរថភ្លើងល្បឿនលឿន បណ្តាញផ្លូវល្បឿនលឿននិងកំពង់ផែថ្នាក់ពិភពលោកធំជាងគេលើពិភពលោក វិស័យអាកាសចរណ៍ និងនាវាចរណ៍ចូលទៅកាន់ពិភពលោក កម្រិតនៃឧស្សាហូបនីយកម្ម ព័ត៌មានវិទ្យា នគរូបនីយកម្ម និងទំនើបកម្មកសិកម្មអភិវឌ្ឍកាន់តែល្អប្រសើរ ។ បច្ចេកវិទ្យាត្រូវបានប្រើប្រាស់ក្នុងការរស់នៅយ៉ាងទូលំទូលាយ វប្បធម៌ប្រពៃណីត្រូវបានបន្តវេន និងការអភិវឌ្ឍ វិស័យនានាស្ថិតនៅកម្រិតឈានមុខគេលើពិភពលោក ។”
លោក មេឡូយ៉ម ប្រាហ៊ីមី បានបញ្ជាក់ថា បក្សកុម្មុយនិស្តចិនសាមគ្គីគ្នា និងដឹកនាំប្រជាជនចិនយកឈ្នះក្នុងការកាត់បន្ថយភាពក្រីក្រ ដែលបានដោះស្រាយបញ្ហាភាពក្រីក្រដាច់ខាត ។ នយោបាយជំរុញការច្នៃប្រឌិត ការអភិវឌ្ឍតំបន់ជនបទ កាបូនទាប និងការការពារបរិស្ថានជាដើមនឹងជំរុញសេដ្ឋកិច្ច និងសង្គមរបស់ប្រទេសចិនសម្រេចបាននូវការអភិវឌ្ឍប្រកបដោយចីរភាព ។
លោក មេឡូយ៉ម ប្រាហ៊ីមី បានយល់ឃើញថា ក្រោមក្របខ័ណ្ឌ”ខ្សែក្រវាត់ និងផ្លូវ” ទំនាក់ទំនងចិននិងអារ៉ាប់រួមអភិវឌ្ឍន៍យ៉ាងឆាប់រហ័ស។ ប្រទេសចិនក្លាយជាដៃគូពាណិជ្ជកម្មធំជាងគេរបស់ប្រទេសអារ៉ាប់រួម ប្រទេសអារ៉ាប់រួមជាទីផ្សារនាំចេញធំជាងគេរបស់ចិនក្នុងចំណោមប្រទេសអារ៉ាប់ និងជាដៃគូពាណិជ្ជកម្មធំទី២ របស់ប្រទេសចិន ។ លោកមានក្តីសង្ឃឹមថា ពេលអនាគត ប្រទេសអារ៉ាប់រួម និងប្រទេសចិននឹងពង្រឹងកិច្ចសហប្រតិបត្តិការក្នុងវិស័យថាមពល ភស្តុភារ ហិរញ្ញវត្ថុ បច្ចេកវិទ្យា និងទេសចរណ៍ជាដើម ។
ប្រភព៖កាសែតយូណានដេលី
អ្នកបកប្រែ៖刘蓉