អ្នកលក់ និងរថភ្លើងយឺត
សព្វថ្ងៃ ប្រទេសចិនបានចូលសម័យរថភ្លើងល្បឿនលឿន ប៉ុន្តែ នៅមានរថភ្លើងយឺតខ្លះឆ្លងកាត់ភ្នំ និងឈប់នៅគ្រប់ស្ថានីយ៍ ដើម្បីផ្តល់ភាពងាយស្រួលក្នុងការធ្វើដំណើរតាមផ្លូវដែក និងតម្លៃថោកដល់ប្រជាជន ។
លោកស្រី ឆាន ស៊ីជូ មានអាយុ ៥០ ឆ្នាំ ផ្ទះរបស់លោកស្រីនៅស្រុលសុងមីង ទីក្រុងគុនមីញ ខេត្តយូណាន ។ ក្នុងរដូវផ្សិតព្រៃចូលក្នុងទីផ្សារ គាត់នឹងជិះរថភ្លើងយឺតលេខ ៥៦៥២/១ ទៅទីក្រុងឈូជីនដើម្បីលក់ផ្សិតព្រៃ ។ តាំងពីលោកស្រីមានវ័យក្មេង បានលក់គ្រាប់ពូជឱ្យអ្នកទេសចរក្នុងរថភ្លើង រហូតដល់សព្វថ្ងៃ គាត់នៅបន្តជិះរថភ្លើងដើម្បីលក់បន្លែ ។ ជីវភាពរស់នៅរបស់លោកស្រី ឆាន ស៊ីជូ មានទំនាក់ទំនងជាមួយរថភ្លើង ។
លោកស្រី ឆាន ស៊ីជូ បានបញ្ជាក់ថា “ខ្ញុំមិនហ៊ានគិតថា បើគ្មានផ្លូវដែក និងរថភ្លើងយឺត ការរស់នៅរបស់យើងគឺជាយ៉ាងណានោះទេ ។ យើងជិះរថភ្លើងយឺតនេះដើម្បីលក់ទំនិញ ក្នុងមួយឆ្នាំអាចរកប្រាក់ចិញ្ចឹមគ្រួសារ ។”
អ្នកជិះរថភ្លើងដើម្បីលក់ទំនិញដូចលោកស្រី ឆាន ស៊ីជូ មានច្រើនណាស់ ។ ពួកគេដាក់បន្លែ ផ្លែឈើ និងផ្សិតព្រៃលើស្មា និងដៃ ជិះរថភ្លើងទៅផ្សារ រួចជិះរថភ្លើងទៅភូមិវិញដោយការទទួលបានប្រាក់ចំណូល និងទឹកមុខសប្បាយរីករាយ ។
ប្រភព៖xinhua China News
អ្នកបកប្រែ៖刘蓉