ស្វែងយល់ពីបក្សកុម្មុយនិស្តចិន|លោក Sergei Sanakoyev អនុប្រធានសមាគមមិត្តភាពរុស្ស៊ី-ចិន ៖ ប្រទេសចិនបានបំផុសគំនិតស្មារតី ដែលជំរុញសន្តិភាព និងការអភិវឌ្ឍ ភាពរុងរឿង និងការរីកចម្រើនដល់ពិភពលោក
នៅខែមីនា ឆ្នាំ ២០១៣ លោក ស៊ី ជីនភីង ប្រធានាធិបតីចិន បានទស្សនកិច្ចផ្លូវរដ្ឋនៅប្រទេសរុស្ស៊ី ។ លោក Sergei Sanakoyev អនុប្រធានសមាគមមិត្តភាពរុស្ស៊ី-ចិនជាបុគ្គលិកការងារក្នុងក្រុមការពារ និងទទួលនៃភាគីរុស្ស៊ី ។ លោក Sergei Sanakoyev បានបញ្ជាក់ថា “ខ្ញុំនៅចងចាំយ៉ាងច្បាស់ លោក ស៊ី ជីនភីង បានបកស្រាយអំពីការកសាងសហគមន៍រួមវាសនាមនុស្សជាតិ គឺ នៅក្នុងពិភពលោកនេះ កម្រិតនៃការភ្ជាប់គ្នា និងការពឹងពាក់គ្នាទៅវិញទៅមករវាងប្រទេសនានាកាន់តែស៊ីជម្រៅដែលមិនធ្លាប់មានពីមុនមក។ មនុស្សយើងរស់នៅក្នុងពិភពលោកតែមួយ យើងរស់នៅក្នុងពេលជាមួយគ្នា ឯចន្លោះដែលប្រវត្តិសាស្ត្រ និងការពិតតភ្ជាប់គ្នា ហើយក្លាយជាសហគមន៍រួមវាសនាមនុស្សជាតិដែលប្រទេសនានាច្របាច់បញ្ជូលគ្នាយ៉ាងស៊ីជម្រៅ ។”
ក្នុងរយៈពេល ៩ ឆ្នាំកន្លងមកនេះ ប្រឈមមុខនឹងការប្រែប្រួលស្ថានការណ៍អន្តរជាតិ ប្រទេសចិនប្រើប្រាស់ការអនុវត្តជាក់់ស្តែងបង្ហាញថា ទស្សនៈការកសាងសហគមន៍រួមវាសនាមនុស្សជាតិមានសារៈសំខាន់ជាក់ស្តែង ដែលបានដឹកនាំមនុស្សជាតិចេញពីវិបត្តិនាពេលបច្ចុប្បន្ន និងជំរុញសន្តិភាព និងការអភិវឌ្ឍ ភាពរុងរឿង និងការរីកចម្រើនដល់ពិភពលោក ។
លោក Sergei Sanakoyev បានបញ្ជាក់ថា “ដើម្បីស្វែងយល់ពីនយោបាយចិនក្នុង និងក្រៅប្រទេស ខ្ញុំបានយកចិត្តទុកដាក់អានសៀវភៅ«ស៊ី ជីនភីង អភិបាលកិច្ចប្រទេសចិន»ដដែលៗ ។ សៀវភៅនេះបានបង្ហាញពីហេតុផលជាមូលដ្ឋានដែលបក្សកុម្មុយនិស្តចិនបានដឹកនាំប្រជាជនចិនឱ្យសម្រេចបានសមិទ្ធផលដ៏អស្ចារ្យក្នុងទំនើបភាវូបនីយកម្មសង្គមនិយម គឺពឹងផ្អែកលើមហាជន និងបង្ហាញយ៉ាងពេញលេញនូវភាពវិជ្ជមាន ភាពសកម្ម និងគំនិតច្នៃប្រឌិតរបស់មហាជន ហើយដើរតួនាទីឧត្តមភាពរបស់របបសង្គមនិយមដែលមានលក្ខណៈពិសេសចិន ។
លោក Sergei Sanakoyev បានទស្សនកិច្ចទីក្រុងរបស់ប្រទេសចិនចំនួនជាង ២០ និងជាអ្នកសក្សីអំពីការប្រែប្រួលថ្មីរបស់ប្រទេសចិន ។ លោកបានរៀបរាប់ថា “ក្នុងទីក្រុង មានអគារទាន់សម័យ និងខ្ពស់ជាច្រើន មានផ្លូវដ៏ធំទូលាយ សួនឧទ្យានដែលមានលក្ខណៈខុសៗគ្នា និងពហុកីឡដ្ឋានដែលមានគ្រឿងបរិក្ខារពេញលេញ ហើយគុណភាពខ្យល់ក៏កាន់តែប្រសើរឡើង។ សំលៀកបំពាក់របស់មនុស្សទាន់សម័យ ហើយគុណភាពជីវិតកាន់តែប្រសើរឡើង ។”
លោក Sergei Sanakoyev បានបញ្ជាក់ថា លោក ស៊ី ជីនភីង ប្រធានាធិបតីចិនបានលើកឡើងទស្សនៈការអភិវឌ្ឍជាសកល ដែលឈរលើមូលដ្ឋាននូវការចាត់ទុកប្រជាជនជាគោល ហើយនឹងជំរុញសុខុមាលភាពរបស់ប្រជាជន និងសម្រេចបាននូវការអភិវឌ្ឍគ្រប់ជ្រុងជ្រោយរបស់មនុស្ស ហើយការសង្កត់ធ្ងន់លើការធ្វើការរួមគ្នាដើម្បីដោះស្រាយការគំរាមកំហែង និងបញ្ហាប្រឈមជាសកល ដែលបង្ហាញពីការកសាងសហគមន៍រួមវាសនាមនុស្សជាតិលើវិស័យការអភិវឌ្ឍ ។ សព្វថ្ងៃ ការអភិវឌ្ឍពិភពលោកប្រឈមមុខនឹងលំបាក ប្រទេសនានាត្រូវយាងតាមគោលបំណង និងគោលការណ៍នៃធម្មនុញ្ញនៃអង្គការសហប្រជាជាតិ បង្កើតទំនាក់ទំនងអន្តរជាតិប្រភេទថ្មីដោយមានកិច្ចសហប្រតិបត្តិការឈ្នះ-ឈ្នះជាស្នូល។
ប្រភព៖ប្រជាជនដេលី
ដោយ ចាំ កួងជីន
អ្នកបកប្រែ៖刘蓉