ចុងភៅបារាំងបញ្ចូលលក្ខណៈ”ហ្វឹងធូ”(ទំនៀមទម្លាប់)ខេត្តយូណាន
ក្នុងភាសាបារាំង និងវប្បធម៌ម្ហូបអាហារបារាំង មានគោលគំនិតមួយគឺ”ហ្វឹងធូ”(ទំនៀមទម្លាប់) ដែលមានន័យថា អាកាសធាតុ និងដីក្នុងតំបន់មួយនឹងធ្វើឱ្យគ្រឿងផ្សំអាហារដែលមានលក្ខណៈពិសេស ។ ចុងភៅកែច្នៃម្ហូប និងការយល់ដឹងពីគ្រឿងផ្សំអាហារ បកប្រែ”ហ្វឹងធូ”ទៅជាម្ហូបអាហារដ៏ឆ្ងាញ់ពិសាជូនភ្ញៀវ ។
លោក Vincent មកពីខេត្ត Lorraine ប្រទេសបារាំង គាត់មានភោជនីយដ្ឋានមួយនៅទីក្រុងគុនមីញ ដែលមានឈ្មោះថា”à Table！” ។ លោកបានរស់នៅទីក្រុងគុនមីញរយៈពេល ៦ ឆ្នាំហើយ គាត់មានចំណាប់អារម្មណ៍ជ្រាលជ្រៅចំពោះ”ហ្វឹងធូ” ។
លោក Vincent យល់ឃើញថា រដូវផ្ការីកជារដូវស្វែងរក”ហ្វឹងធូ”របស់ខេត្តយូណានល្អជាងគេ ។ លោកបានរៀបរាប់ថា “ប្រពន្ធខ្ញុំជាអ្នកទីក្រុងគុនមីញ រាល់បុណ្យចូលឆ្នាំថ្មីប្រពៃណីចិន ការធ្វើអាហារពេល ល្ងាចថ្ងៃចូលឆ្នាំថ្មីអាចបង្ហាញពីជំនាញធ្វើម្ហូបរបស់ខ្ញុំ ។ ម្ហូបសំស៊ូយូ (ត្រីកំប្រុក) និងយូសាំងរោស៊ី (សាច់ជ្រូកមានរសជាតិត្រី)ជាម្ហូបខ្ញុំធ្វើល្អជាងគេ ហើយរាល់បុណ្យចូលឆ្នាំថ្មីប្រពៃណីចិន សមាជិកគ្រួសារខ្ញុំតែងឲ្យខ្ញុំធ្វើវា ។” នៅបុណ្យចូលឆ្នាំថ្មីប្រពៃណីចិនឆ្នាំនេះ លោក Vincent បានសរសេរពាក្យទំនឹមជាភាសាបារាំង មានន័យថា “មានសុខភាពល្អ និងមានសំណាងល្អ”។
លោក Vincent បានរៀបរាប់ថា “ខ្ញុំចូលចិត្តធម្មជាតិ ទឹក ផ្កា និងស្មៅរបស់ខេត្តយូណានខ្ញុំ តែងតែមើលមិនជិនណាយ។ នៅថ្ងៃឈប់សម្រាក ខ្ញុំ សមាជិកគ្រួសារ និងមិត្តភក្តិ នឹងដើរកម្សាន្តនៅក្បែរទីក្រុងគុនមីញ ហើយទៅបោះជំរុំនៅទីក្រុងលីជាំង និងភ្នំហាបា ដើម្បីបង្ហាញសមត្ថភាពខ្លួន។ ពិតណាស់ ខ្ញុំនឹងនាំកូនស្រីខ្ញុំទៅជាមួយគ្នា ធម្មជាតិជាមេរៀនអេកូឡូស៊ីល្អបំផុត ។”
ដូចជាអ្នកទីក្រុងគុនមីញ លោក Vincent ចូលចិត្តផ្សារផ្កា និងផ្សារបន្លែខ្លាំងណាស់ ។ ដោយសាររស់នៅទីក្រុងគុនមីញរយៈពេលយូរ លោកចេះនិយាយគ្រាមភាសាតថ្លៃជាមួយអ្នកលក់បន្លែ ។ ចំពោះចុងភៅ រដូវវស្សារបស់ខេត្តយូណានមិនអាចខកខានទេ ពីព្រោះ រដូវវស្សាជារដូវផ្សិតព្រៃ និងជារដូវដែលលោក Vincent ចាប់អារម្មណ៍ពី”ហ្វឹងធូ” ។ លោក Vincent បានរៀបរាប់ទៀតថា “ពេលខ្ញុំនៅតូច ខ្ញុំចូលចិត្តទៅរកផ្សិតក្នុងព្រៃនៅស្រុកកំណើតខ្ញុំ ដោយសារខ្ញុំស្គាល់ផ្សិតPorcini និងផ្សិតTermitomyces albuminosus របស់ខេត្តយូណាន ។ ខ្ញុំសាកល្បងប្រើប្រាស់វិធីធ្វើម្ហូបរបស់បារាំង និងគ្រឿងផ្សំរបស់ខេត្តយូណាន ច្នៃប្រឌិតម្ហូបអាហារខ្លះ ។ ពេលឃើញភ្ញៀវចូលចិត្តបរិភោគ ខ្ញុំសប្បាយចិត្តខ្លាំងណាស់ ។”
ប្រភព៖កាសែតយូណានដេលី
ដោយ វ៉ាង ហ្វាន
អ្នកបកប្រែ៖刘蓉