ក្រុមអវកាសយានិកចិននៃយានអវកាសShenzhou-14បានទៅដល់ក្រុងប៉េកាំងដោយសុវត្ថិភាព

តាមដំណឹងនៃការិយាល័យវិស្វកម្មយានអវកាសផ្ទុកមនុស្សចិនបានឲ្យដឹងថា លោកChen Dong លោកស្រីLiu Yang និងលោកCai Xuzheដែលជាអវកាសយានិកចិនដែលបានបំពេញបេសកកម្មហោះហើរតាមយានអវកាសShenzhou-14ដោយជោគជ័យយ៉ាងគាប់ប្រសើរបានធ្វើដំណើរតាមយន្តហោះទៅចុះចតនៅក្រុងប៉េកាំងដោយសុវត្ថិភាពនាព្រឹកព្រលឹមថ្ងៃទី៥ខែធ្នូឆ្នាំ២០២២។

តាមការផ្សាយដំណឹងឲ្យដឹងថា បន្ទាប់ពីទៅដល់ក្រុងប៉េកាំង អវកាសយានិកទាំង៣រូបនេះនឹងត្រូវធ្វើចត្តាឡីស័កមួយរយៈពេល ក្នុងអំឡុងឈប់សម្រាក ពួកគាត់នឹងធ្វើការពិនិត្យសុខភាពគ្រប់ជ្រុងជ្រោយនិងទទួលការវាយតម្លៃចំពោះសុខភាព ព្រមទាំងបំប៉នសុខភាពផងដែរ៕