2022 CITM|អ្នកល្បីឈ្មោះលើអុីនធើណែតតៃវ៉ាន់”ស្វែងរកកំណប់”នៅខេត្តយូណាន

　　ថ្មីៗនេះ លោក ចូវ យី សាស្រ្តាចារ្យសាកលវិទ្យាល័យរប្បធម៌ចិនតៃវ៉ាន់ បានដើរចូលក្នុងមណ្ឌលស្វយ័តជនជាតិបៃ តាលី និងទីក្រុងគុនមីញខេត្តយូណាន ដើម្បីចាប់ផ្តើមដំណើរវប្បធម៌”ស្វែងរកកំណប់”ពិសេសមួយ ។

　　ដំណើរនេះជាដំណើរលើកទី ៤ របស់លោក ចូវ យី នៅខេត្តយូណាន​។ លោកចាប់អារម្មណ៍ថា “ការធ្វើដំណើររាល់លើកនៅខេត្តយូណាន ខ្ញុំសុទ្ធតែអាចទទួលអារម្មណ៍ពីការអភិវឌ្ឍ និងការប្រែប្រួលរបស់ខេត្តយូណាន​ ប៉ុន្តែ អ្វីដែលមិន​ប្រែប្រួលគឺទេសភាពដ៏ស្រស់ស្អាត និងភាពសុភាពរាបសាស្មោះត្រង់របស់ប្រជាជនខេត្តយូណាន។” គោលដៅនៃ​សកម្មភាពនេះគឺការអនុវត្តគំនិតប្រជាជនចិនដីគោក និងតៃវ៉ាន់ជាគ្រួសារតែមួយ ហើយផ្សព្វផ្សាយអំពីវប្បធម៌ចិន និងស្វែងរកការតភ្ជាប់វប្បធម៌រវាងចិនដីគោក និងតៃវ៉ាន់ ក៏ដូចជាវប្បធម៌រវាងខេត្តយូណាន និងតៃវ៉ាន់ ។

　　លោក ចូវ យី យល់ឃើញថា” លក្ខណៈពិសេសនៃវប្បធម៌ជនជាតិរបស់ខេត្តយូណានគឺការចេះអធ្យាស្រ័យគ្នា។ អគារ​យ៉ាន​របស់ឃុំបុរាណស៊ីចូវមានរចនាប័ទ្មតាមប្រពៃណីជនជាតិប៉ៃ ប៉ុន្តែក៏មានរចនាប័ទ្មលោក​ខាង​លិចផងដែរ ដែល​បង្ហាញ​ពីវប្បធម៌ប្រពៃណីចិន និងវប្បធម៌ជនជាតិរបស់ខេត្តយូណានក្នុងការចេះអធ្យាស្រ័យគ្នា និងអភិវឌ្ឍជា​បន្ត​បន្ទាប់​តាមរយៈការសិក្សាពីគ្នាទៅវិញទៅមក។

　　ប្រភព៖កាសែតយូណានដេលី

　　ដោយ ហាន ឆានយ័ន ហឹរ៉ង លី វ៉ានជូន

　　អ្នកបកប្រែ៖刘蓉