សត្វក្រៀលប្រផេះមកដល់ស្រុកឆាំងនីងដែលមាននាមជា"ទីក្រុងអ័ព្ទ"ក្នុងខេត្តយូណាន ដើម្បីឆ្លងកាត់រដូវរងា
ក្រោយពីកូនរដូវលីតុង ហ្វូងសត្វក្រៀលប្រផេះ (Common Crane) បានហោះហើរទៅកាន់ស្រុកឆាំងនីងដែលមាននាមជា"ទីក្រុងអ័ព្ទ"ក្នុងខេត្តយូណាននៃប្រទេសចិន ដើម្បីស្វែងរកចំណីអាហារ និងឆ្លងកាត់រដូវរងា។
នៅពេលព្រឹក សត្វក្រៀលប្រផេះហើរមករកចំណី និងរាំលេងក្នុងអ័ព្ទពណ៌ស ជាមួយនឹងទេសភាពក្នុងតំបន់ជនបទដ៏ស្រស់ស្អាត ដែលបានបង្កើតជាទេសភាពធម្មជាតិដ៏ស្រស់ស្អាត និងកម្ររកឃើញ។
សត្វក្រៀលប្រផេះ គឺជាសត្វស្លាបដ៏ធំមួយប្រភេទ និងជាសត្វព្រៃការពារដ៏សំខាន់ថ្នាក់ជាតិទីពីរនៅក្នុងប្រទេសចិន។ រោមខ្លួនមានពណ៌ប្រផេះ ផ្នែកខាងមុខ និងខាងក្រោយក្បាលជាពណ៌ខ្មៅ កណ្តាលក្បាលពណ៌ជាក្រហម ថ្ពាល់ទៅទាំងសងខាងកញ្ចឹងកជាពណ៌ប្រផេះនិងស ចំពុះមើលទៅដូចកាំបិតតូច ក និងជើងវែង ហើយស្ដើង មើលទៅស្អាតឆើតឆាយ។
ក្នុងរយៈពេលប៉ុន្មានឆ្នាំចុងក្រោយនេះ ស្រុកឆាំងនីងបានជំរុញគម្រោងការពារអេកូឡូស៊ីយ៉ាងខ្លាំងក្លា ហើយប្រភេទសត្វព្រៃ និងរុក្ខជាតិកម្រមានកាន់តែច្រើន ហើយសត្វស្លាបដែលធ្វើចំណាកស្រុកកាន់តែច្រើនឡើងៗបានចាប់ផ្តើមហោះហើរទៅកាន់ស្រុកឆាំងនីងដើម្បីឆ្លងកាត់រដូវរងា៕
អ្នកសារព័ត៌មាន ៖ ហឺ ឈួនហៅ
អ្នកបកប្រែ ៖ Shen Yan