ការការពាររបស់លោកពូ អាលៀវ ៖ ស្លាកស្នាមវប្បធម៌នៃទីក្រុងបុរាណលីជាំង

　　ផ្ទះបុរាណ”ហឹងយូកំ”ដែលស្ថិតនៅទីក្រុងបុរាណលីជាំង ជាផ្ទះជនជាតិណាស៊ីមួយ ។

　　លោកពូ អាលៀវឈ្មោះលី ជីនស៊ីង ជាកូនទី ៦ ក្នុងគ្រួសារ ដូច្នេះ មិត្តភក្តិហៅគាត់ជាលោកពូ”អាលៀវ”(ទី៦) ។ ផ្ទះបុរាណ”ហឹងយូកំ”គឺជាផ្ទះជំនាន់ទីបួនរបស់គ្រួសារគាត់ ។

　　អគារនេះសាងសង់នៅឆ្នាំ ១៨៧៥ គឺក្នុងរយៈពេលផ្លូវសេះនិងតែបុរាណមានភាពរុងរឿង ។ ផ្លូវសេះនិងតែបុរាណ​ជាផ្លូវពាណិជ្ជកម្មសំខាន់ក្នុងភ្នំនៃតំបន់ភាគនិរតីនៃប្រទេសចិន ។ ពេលនោះ ជីតារបស់លោក អាលៀវបានបង្កើត​យីហោ​”ហឹងយូកំ” និងសាងសង់ផ្ទះដ៏អស្ចារ្យនេះ ។

　　ផ្ទះបុរាណនេះបានសក្សីប្រវត្តិសាស្ត្ររបស់ទីក្រុងបុរាណលីជាំង ផ្ទះបុរាណនេះមិនធ្លាប់ផ្លាស់ប្តូរម្ចាស់ទេ ។ ក្រោយពី​ប្រទេសចិនអនុវត្តគោលនយោបាយកែទម្រង់និងបើកចំហ មានអ្នកជំនួញបរទេសជាច្រើនមកដល់ប្រទេសចិន ។ លោកពូ អាលៀវរងចាំ មានអ្នកជំនួញអាល្លឺម៉ង់មួយរូបបានចង់ទិញផ្ទះបុរាណនេះ និងផ្កាចម្លាក់លើទ្វាររបស់សាល​សំខាន់​ដោយតម្លៃខ្ពស់ ប៉ុន្តែ ឪពុកបដិសេធ ។ នៅឆ្នាំ១៩៩៧ ក្រោយពីទីក្រុងបុរាណលីជាំង​ស្នើសុំចុះបញ្ជី​បេតិកភណ្ឌ​ពិភពលោកដោយជោគជ័យ មានផ្ទះបុរាណច្រើនត្រូវបានលក់ និងជួសជួល ។ ប៉ុន្តែ លោកពូ អាលៀវក៏ដូចជាឪពុក​បដិសេធ​លក់ផ្ទះនេះដែរ ។

　　ហេតុអ្វីលោកពូ អាលៀវការពារផ្ទះបុរាណនេះ? លោកពូ អាលៀវ បានរៀបរាប់ថា ក្រៅពីផ្ទះបុរាណនេះមានការចងចាំ​ដ៏មានតម្លៃរបស់សមាជិកគ្រួសារគាត់ អ្វីដែលសំខាន់នោះគឺ គាត់ចង់បន្តផ្សព្វផ្សាយវប្បធម៌ជនជាតិណាស៊ី ។

　　ក្នុងរយៈពេលប៉ុន្មានឆ្នាំកន្លងមកនេះ មន្ទីរគ្រប់គ្រង និងការពារបុរាណលីជាំងបន្តជំរុញ​ការអភិវឌ្ឍតភ្ជាប់​ទេសចរណ៍ និងវប្បធម៌ ។ ការអនុវត្តគម្រោងការ​ជួសជុល​ផ្ទះ​របស់អ្នកល្បី​ល្បាញ​ឡើង​វិញ ការសាងសង់ទេសភាពមនុស្សធម៌ និងការបង្ហាញវប្បធម៌ទំនៀមទម្លាប់ជាដើម ។  

　　អ្នកបកប្រែ៖刘蓉