ការធ្វើដំណើរដ៏អស្ចារ្យនៃផ្កាស្រស់ខេត្តយូណានពីវាលស្រែទៅកាន់ថូផ្កា

ក្នុងប៉ុន្មានឆ្នាំថ្មីៗនេះ ​តំណភ្ជាប់ដូចជា ការដាំដុះ ការប្រមូលផល ការជួញដូរ និងការដឹកជញ្ជូនជាដើមនៃខ្សែសង្វាក់ឧស្សាហកម្មផ្កាខេត្តយូណានត្រូវបានកែលម្អជាបន្តបន្ទាប់​“ផ្កាយូណាន”នីមួយៗចាកចេញពីចំការផ្កាឆ្ពោះទៅកាន់អតិថិជន សុទ្ធតែមានដំណើរការជាពិសេសដ៏អស្ចារ្យរបស់ខ្លួន។

នៅពេលព្រឹកព្រលឹម​​​នៅក្នុងសួនពិព័រណ៍ទំនើបនៃឧស្សាហកម្មផ្កាយូធានហួជីងនីង​នៅក្នុងខណ្ឌ​ជីងនីង ក្រុងគុនមីង​ខេត្តយូណាននៃប្រទេសចិន ដែលរៀងរាល់ឆ្នាំមានផ្កាកាត់ស្រស់ចំនួន​១៦០ លានដើមនោះផ្កាស្រស់ស្អាតគ្រាប់ប្រភេទបានរីកស្គុះស្គាយ​អ្នកដាំផ្កាមមាញឹកក្នុងការបេះផ្កានិងការដឹកជញ្ជូននៅក្នុងរោងដ៏ទំនើប។

ជារៀងរាល់ថ្ងៃ ផ្កាស្រស់ដែលត្រូវបានបេះដោយអ្នកដាំផ្កាបានចូលក្នុងកន្លែងវេចខ្ចប់ ហើយការងារដូចជា​ការបែងចែកប្រភេទការវេចខ្ចប់​និងការដាក់ក្នុងឃ្លាំងទឹកកក ត្រូវបានអនុវត្តតាមលំដាប់លំដោយ។ ផ្កាមួយផ្នែកដែលត្រូវបានកែលម្អបានដឹកជញ្ជូនដោយផ្ទាល់ទៅអតិថិជន​ផ្នែកខ្លះត្រូវបានដឹកជញ្ជូនដោយឡានដឹកជញ្ជូនផ្កាពិសេសទៅកាន់មជ្ឈមណ្ឌលពាណិជ្ជកម្មដេញថ្លៃផ្កាអន្តរជាតិគុនមីង ដើម្បីបើកដំណើរការកម្មវិធីដេញថ្លៃជាផ្លូវការ។

នៅក្នុងសាលដេញថ្លៃ មានអេក្រង់ធំៗពីរបីផ្ទាំងដែលបង្ហាញព័ត៌មានផ្កាតាមពេលវេលាជាក់ស្តែងអំពីប្រភេទ ចំនួន ប្រភេទជាដើម។ នៅមជ្ឈមណ្ឌលពាណិជ្ជកម្មដេញថ្លៃផ្កាអន្តរជាតិគុនមីង ជាមធ្យមរៀងរាល់ថ្ងៃមានផ្កាជាង​៥ លានដើម "ដើរចេញ"ពីសាលដេញថ្លៃទៅកាន់កន្លែងផ្សេងៗទូទាំងប្រទេសនិងក្រៅប្រទេស។ ខេត្តយូណានត្រូវបានគេហៅថា “នគររុក្ខជាតិ”គឺជាតំបន់មួយក្នុងចំណោមតំបន់ផលិតផ្កាធំៗទាំងបីនៅលើពិភពលោក។ នៅឆ្នាំ២០២២ការផលិតផ្កាកាត់ស្រស់នៅខេត្តយូណានមានចំនួន ១៨ ពាន់លានដើម៕

អ្នកសារព័ត៌មាន៖Cui Wen

អ្នកបកប្រែ៖ Shen Yan Nong Rui（អ្នកហាត់ការ）