នៅឆ្នាំ២០២២ តំបន់បៃតងបន្ថែមថ្មីនៃខេត្តយូណានមានទំហំជាង ១៦៨០ ហិចតា

ខេត្តយូណាន ប្រទេសចិនបន្តលើកកម្ពស់ការងារកែលម្អបរិស្ថាន និងបន្ថែមតំបន់បៃតងក្នុងទីក្រុង និងតំបន់ជនបទឥតឈប់ឈរ។ នៅឆ្នាំ២០២២ បន្ថែមផ្ទៃដីបណ្តុះកូនឈើសរុបចំនួន ១០៤៦ ហិចតា បន្ថែមផ្ទៃដីបៃតងចំនួនជាង ១៦៨០ ហិចតា និងបន្ថែមការដាំដុះដើមឈើចំនួន ៥០៤៤,៨១ ម៉ឺនដើម។

ដើម្បីបំពេញតម្រូវការនៃគម្រោងការកែលម្អបរិស្ថាន និងបន្ថែមតំបន់បៃតងក្នុងទីក្រុង និងតំបន់ជនបទ  ខេត្តយូណានបន្តជំរុញការសាងសង់មូលដ្ឋានបណ្តុះកូនជាបន្តបន្ទាប់។ បច្ចុប្បន្ននេះ នៅក្នុងខេត្តមានពូជសំណាបចំនួន ៥៩១ ប្រភេទ ហើយមានសំណាបចំនួន ៧២៨ លានដើម។ ទន្ទឹមនឹងការអនុវត្តស៊ីជម្រៅនៃសកម្មភាពលើកកម្ពស់ការងារកែលម្អបរិស្ថាន និងបន្ថែមតំបន់បៃតងក្នុងទីក្រុង និងតំបន់ជនបទរយៈពេលបីឆ្នាំ ខេត្តយូណានបន្តស្វែងរកមធ្យោបាយមានប្រសិទ្ធភាព និងគម្រោងអភិវឌ្ឍន៍ប្រកបដោយសោភ័ណភាពសម្រាប់ការងារកែលម្អបរិស្ថាន និងបន្ថែមតំបន់បៃតងក្នុងទីក្រុង និងតំបន់ជនបទ​ ហើយបង្កើតតំបន់គំរូមួយចំនួនដែលមានតំណាង និងចូលអនុវត្តបាន និងផ្សព្វផ្សាយបទពិសោធន៍ជោគជ័យទូទាំងខេត្ត៕

អ្នកសារព័ត៌មាន ៖ តួន សៀវយួយ

អ្នកបកប្រែ ៖ Shen Yan