អ្នកជំនាញការ និងនិស្សិតវៀតណាមបន្តការសិក្សានៅខេត្តយូណាន៖ យូណានមានកម្លាំងនៃសកម្មភាពខ្លាំងក្នុងការពង្រីកការបើកចំហ

កាលពីថ្ងៃទី២៧ ខែមីនា ដល់ថ្ងៃទី៣ ខែមេសា ឆ្នាំ២០២៣ ឯកឧត្តម វ៉ាង នីង លេខាធិការគណបក្សនៃគណៈកម្មាធិការគណបក្សកុម្មុយនិស្តចិនប្រចាំខេត្តយូណាននៃប្រទេសចិន បានដឹកនាំគណៈប្រតិភូអញ្ជើញទៅបំពេញទស្សនកិច្ចនៅប្រទេសវៀតណាម ឡាវ និងមីយ៉ាន់ម៉ា។ ចំពោះការបំពេញទស្សនកិច្ចលើកនេះ អ្នកជំនាញការ និងនិស្សិតវៀតណាមបន្តការសិក្សានៅខេត្តយូណាន​​នៃប្រទេសចិន បានយកចិត្តទុកដាក់យ៉ាងខ្លាំងលើប្រធានបទដូចជា ការឆ្លងព្រំដែន កិច្ចសហប្រតិបត្តិការទេសចរណ៍ ការផ្លាស់ប្តូរវប្បធម៌ និងការផ្លាស់ប្តូរយុវជនរវាងភាគីទាំងពីរ។

លោកស្រី Bui Xuan Mai គ្រូបង្រៀនពេញម៉ោងបរទេសនៅសកលវិទ្យាល័យគរុកោសល្យណាននីង និងជាអ្នកជំនាញប្រឹក្សាជនជាតិវៀតណាមនៅក្រុមហ៊ុន Capvision Partners (Shanghai) Ltd. បាននិយាយថា "យូណានគឺជាកន្លែងដ៏ស្រស់ស្អាត ហើយវាមានកម្លាំងនៃសកម្មភាពខ្លាំងក្នុងការពង្រីកការបើកចំហ។ ចាប់តាំងពីថ្ងៃទី៨ ខែមករាមក ប្រទេសចិនបានកែសម្រួលគោលនយោបាយចេញចូលព្រំដែន ខេត្តយូណានបានអនុវត្តការបើកច្រកព្រំដែនជាមួយប្រទេសវៀតណាមយ៉ាងឆាប់រហ័ស។ មិនតែប៉ុណ្ណោះ ភាគីទាំងពីរប្រទេសវៀតណាម និងខេត្តយូណានពឹងផ្អែកលើការសាងសង់ "កំពង់ផែឆ្លាតវៃ" ដើម្បីបន្តពង្រីកភាពរលូននៃដំណើរការរបស់កំពង់ផែ។

លោកស្រី Bui Xuan Mai បានបន្តទៀតថា នាពេលបច្ចុប្បន្ន ការនាំចេញរបស់វៀតណាមទៅកាន់ប្រទេសចិនភាគច្រើនជាផលិតផលកសិកម្ម ហើយការជួញដូរនៅកំពង់ផែព្រំដែនរវាងភាគគីទាំងពីរភាគច្រើនជាពាណិជ្ជកម្មខ្នាតតូច ដែលមានតម្រូវការខ្ពស់សម្រាប់ប្រសិទ្ធភាពនៃការឆ្លងគយនៅកំពង់ផែ។ ទន្ទឹមនឹងការស្តារឡើងវិញលើការចេញចូលច្រកព្រំដែនដូចជា ហឺខូវ-LaoCaiរវាងប្រទេសចិន និងវៀតណាម សេដ្ឋកិច្ចកំពង់ផែបានក្លាយជាចំណុចកំណើនសេដ្ឋកិច្ចដ៏សំខាន់។ លោកស្រីបានបញ្ជាក់ថា "បន្ទាប់ពីការអនុវត្តកិច្ចព្រមព្រៀង​ RCEP នាពេលខាងមុខ ប្រទេសវៀតណាម និងចិន ជាពិសេសប្រទេសវៀតណាម និងខេត្តយូណាន នឹងពង្រឹងទំនាក់ទំនងគោលនយោបាយ និងពង្រឹងកិច្ចសហប្រតិបត្តិការគយឌីជីថល ហើយពួតដៃគ្នាដើម្បីជំរុញការផ្លាស់ប្តូរពាណិជ្ជកម្មតាមកំពង់ផែក្នុងការផ្តល់ផលប្រយោជន៍ដល់សហគ្រាស និងប្រជាជនក្នុងតំបន់ព្រំដែន។

ថ្មីៗនេះ ទន្ទឹមនឹងការរៀបចំកិច្ចប្រជុំផ្សព្វផ្សាយនៃផ្លូវទេសចរណ៍មាស"ទិសដៅទេសចរណ៍ប្រាំមួយក្នុងប្រទេសពីរ" ប្រទេសចិន-វៀតណាម ក៏ដូចជាផ្លូវទេសចរណ៍មាស"ទីក្រុងគុនមីង-មណ្ឌលហុងហឺ ប្រទេសចិន-សាបា LaoCai-​ហាណូយ-ហៃផុង-Ha Long Bay ខេត្ត Quang Ninh ប្រទេសវៀតណាម ទិសដៅទេសចរណ៍ប្រាំមួយក្នុងប្រទេសពីរ"ត្រូវបានដាក់ឱ្យដំណើរការជាផ្លូវការ។

លោកស្រី Bui Xuan Mai យល់ឃើញថា ក្រោមបរិការណ៍នៃការគ្រប់គ្រងប្រកបដោយប្រសិទ្ធភាពចំពោះជំងឺកូវីដ១៩ និងការងើបឡើងវិញនៃទេសចរណ៍ឆ្លងដែន ទេសចរណ៍ឆ្លងដែនរវាងវៀតណាម និងចិននឹងមានការរីកចម្រើន។ លោកស្រីបន្ថែមទៀតថា "ភាគីទាំងពីរប្រទេសវៀតណាម​និងខេត្តយូណានបង្កើតស្ពានទំនាក់ទំនងតាមរយៈការរៀបចំកិច្ចប្រជុំផ្សព្វផ្សាយ និងសកម្មភាពផ្សេងទៀត ដើម្បីជួយអ្នកបម្រើការក្នុងវិស័យទេសចរណ៍រក្សាបាននូវព័ត៌មានចុងក្រោយពាក់ព័ន្ធគោលនយោបាយចេញចូលព្រំដែន កន្លែងទេសចរណ៍ កន្លែងស្នាក់នៅ និងសណ្ឋាគារជាដើម ព្រមទាំងជំរុញការផ្លាស់ប្តូរ និងកិច្ចសហប្រតិបត្តិការឱ្យកាន់តែស៊ីជម្រៅ ហើយរួមគ្នាជំរុញការស្តារ​វិស័យ​ទេសចរណ៍ឡើងវិញ។

លោកស្រីបណ្ឌិត Tran Thi Thuy ប្រធានការិយាល័យស្រាវជ្រាវប្រវត្តិសាស្ត្រ និងវប្បធម៌វិទ្យាស្ថានចិននៃបណ្ឌិតសភាវិទ្យាសាស្ត្រសង្គមវៀតណាម ក៏ជាបណ្ឌិតសិក្សា និងអ្នកស្រាវជ្រាវប្រទេសចិនបានកត់សម្គាល់ថា ក្នុងដំណើរបំពេញទស្សនកិច្ចរបស់គណៈប្រតិភូមិត្តភាពខេត្តយូណានទៅកាន់ប្រទេសវៀតណាម ភាគីទាំងពីរបានឯកភាពគ្នាលើការពង្រឹងកិច្ចសហប្រតិបត្តិការសេដ្ឋកិច្ច និងពាណិជ្ជកម្មជាដើម។ លោកស្រីបណ្ឌិតយល់ឃើញថា ការពង្រឹងកិច្ចសហប្រតិបត្តិការរវាងខេត្តយូណាននិងប្រទេសវៀតណាមគឺសំដៅលើការអនុវត្តកុងសង់សុីសដ៏សំខាន់ដែលសម្រេចបានដោយឯកឧត្តម ស៊ី ជីនភីង អគ្គលេខាធិការមជ្ឈិមបក្សកុម្មុយនិស្តចិន និងជាប្រធានាធិបតីចិន និងឯកឧត្តម Nguyen Phu Trong អគ្គលេខាធិការមជ្ឈិមបក្សកុម្មុយនិស្តវៀតណាម នាពេលចុងឆ្នាំ២០២២ ក្នុងអំឡុងពេល ឯកឧត្តម Nguyen Phu Trong បានបំពេញទស្សនកិច្ចនៅប្រទេសចិន។ លោកស្រីបណ្ឌិតបន្តទៀតថា ក្នុង«សេចក្តីថ្លែងការណ៍រួមស្តីពីការពង្រឹង និងពង្រីកឱ្យកាន់តែស៊ីជម្រៅនូវកិច្ចសហប្រតិបត្តិការភាពជាដៃគូយុទ្ធសាស្ត្រគ្រប់ជ្រុងជ្រោយរវាងប្រទេសចិន និងវៀតណាម» បានបញ្ជាក់យ៉ាងច្បាស់ថា "ត្រូវលើកទឹកចិត្តដល់គ្រប់តំបន់នៃប្រទេសទាំងពីរ ជាពិសេសខេត្ត(តំបន់)ជាប់ព្រំដែនលើការអនុវត្តការផ្លាស់ប្តូរមិត្តភាព និងកិច្ចសហប្រតិបត្តិការដែលទទួលបានផលប្រយោជន៍ទៅវិញទៅមក"។

លោកស្រីបណ្ឌិតបន្ថែមទៀតថា «សេចក្តីថ្លែងការណ៍រួមស្តីពីការពង្រឹង និងពង្រីកឱ្យកាន់តែស៊ីជម្រៅនូវកិច្ចសហប្រតិបត្តិការភាពជាដៃគូយុទ្ធសាស្ត្រគ្រប់ជ្រុងជ្រោយរវាងប្រទេសចិន និងវៀតណាម»បានបញ្ជាក់យ៉ាងច្បាស់ថា ត្រូវលើកទឹកចិត្តដល់គ្រប់តំបន់នៃប្រទេសទាំងពីរ ជាពិសេសខេត្ត(តំបន់)ជាប់ព្រំដែនលើការអនុវត្តការផ្លាស់ប្តូរមិត្តភាព និងកិច្ចសហប្រតិបត្តិការដែលទទួលបានផលប្រយោជន៍ទៅវិញទៅមក។ ដំណើរទស្សនកិច្ចដឹកនាំដោយឯកឧត្តម វ៉ាង នីង លេខាធិការគណបក្សនៃគណៈកម្មាធិការគណបក្សកុម្មុយនិស្តចិនខេត្តយូណានលើកនេះ មានសារសំខាន់ក្នុងការជំរុញកិច្ចសហប្រតិបត្តិការរវាងវៀតណាម និងចិន។ ខេត្តយូណាននៃប្រទេសចិនមានព្រំប្រទល់ជាប់ខេត្តចំនួនបួនរបស់វៀតណាម និងមានលក្ខខណ្ឌអំណោយផលជាច្រើន ដូច្នេះ ខេត្តយូណានបានក្លាយជាច្រកទ្វារភាគនិរតីសម្រាប់ប្រទេសចិនដើម្បីធ្វើកិច្ចសហប្រតិបត្តិការជាមួយប្រទេសវៀតណាម និងបណ្តាប្រទេសអាស៊ីអាគ្នេយ៍ផ្សេងទៀត"។

និស្សិតបន្តការសិក្សានៅខេត្តយូណានឈ្មោះ Chu Thi Thuy តែងតែចែករំលែកជីវិតសិក្សារបស់នាងនៅយូណាននៅលើប្រព័ន្ធផ្សព្វផ្សាយសង្គម។ នាងយល់ឃើញថា អ្វីដែលនាងបានចែករំលែកនោះគឺ មិន​ត្រឹម​តែជា​រឿង​សិក្សា​នៅក្រៅប្រទេស​ប៉ុណ្ណោះ​ទេ ថែម​ទាំងជា​ចំណង​មិត្តភាព​រវាង​នាង​និង​យូណាន​ផង​ដែរ។ នាងបានប្រាប់អ្នកកាសែតថា "លោកពូហូ (Ho Chi Minh) "ជាទីគោរពបំផុតក្នុងប្រទេសយើង មានដានជើងច្រើនណាស់នៅខេត្តយូណាន ក៏ជាកន្លែងដែលខ្ញុំរៀននៅបរទេស ដូច្នេះខ្ញុំមានអារម្មណ៍រីករាយណាស់។

អគារពីរជាន់ដែលមានទីតាំងនៅផ្លូវណានស៊ី ឃុំជឺឈួន ក្រុងមឺងជី មណ្ឌលស្វយ័តជនជាតិហានី និងជនជាតិយី ហុងហឺ ខេត្តយូណាន គឺជាអតីតលំនៅដ្ឋានដែលឯកឧត្តម Ho Chi Minh បានអនុវត្តសកម្មភាពបដិវត្តនៅឃុំជឺឈួនក្នុងឆ្នាំ១៩៤០។ Chu Thi Thuy បាននិយាយថា"នេះគឺជាកំណប់ទ្រព្យរួមរបស់ខេត្តយូណាន និងប្រទេសវៀតណាម។ ទន្ទឹមនឹងកិច្ចសហប្រតិបត្តិការទេសចរណ៍រវាងប្រទេសវៀតណាម និងខេត្តយូណានកាន់តែស៊ីជម្រៅ នាងខ្ញុំជឿជាក់ថា ភ្ញៀវទេសចរវៀតណាមក៏សង្ឃឹមថានឹងមានឱកាសទៅទស្សនាទីតាំងចាស់ទាំងនេះដែរ"៕

អ្នកបកប្រែ ៖Shen Yan