ចំនួនការលក់នៃរថយន្តអគ្គិសនីទូទាំងសាកលលោកនឹងកើនឡើង ៣៥% នៅឆ្នាំនេះ
ទីភ្នាក់ងារថាមពលអន្តរជាតិបានចេញផ្សាយរបាយការណ៍ «ទស្សនវិស័យនៃរថយន្តអគ្គិសនីសកលឆ្នាំ ២០២៣»នៅថ្ងៃទី២៦ ខែមេសា ដោយបញ្ជាក់ថា ការលក់រថយន្តអគ្គិសនីទូទាំងពិភពលោកនៅឆ្នាំនេះនឹងកើនឡើង ៣៥% បើធៀបនឹងឆ្នាំមុន ដែលឈានដល់ ១៤ លានគ្រឿង ស្មើនឹង ១៨%នៃទំហំទីផ្សាររថយន្តទាំងមូល។ ជាការពិត ការផ្លាស់ប្តូរយ៉ាងខ្លាំងនៅក្នុងឧស្សាហកម្មរថយន្តជាសកលបានជះឥទ្ធិពលយ៉ាងខ្លាំងដល់ឧស្សាហកម្មថាមពលនេះ ដល់ឆ្នាំ២០៣០ អគ្គិសនីនៃយានយន្តនឹងជួយជំរុញការកាត់បន្ថយតម្រូវការប្រេងពិភពលោកយ៉ាងហោចណាស់ ៥ លានបារ៉ែលក្នុងមួយថ្ងៃ។
របាយការណ៍បានចង្អុលបង្ហាញថា នៅពេលបច្ចុប្បន្ន ការលក់រថយន្តអគ្គិសនីភាគច្រើនត្រូវបានប្រមូលផ្តុំនៅក្នុងទីផ្សារធំៗចំនួនបី គឺប្រទេសចិន អឺរ៉ុប និងអាមេរិក។ ក្នុងចំណោមនោះ ប្រទេសចិនគឺជាអ្នកនាំមុខគេ។ការលក់រថយន្តអគ្គិសនីចិនមាន ៦០%នៃការលក់រថយន្តអគ្គិសនីរបស់ពិភពលោកកាលពីឆ្នាំមុន ហើយមានរថយន្តអគ្គិសនីចំនួនជាង ៥០% ត្រូវបានលក់ចេញនៅលើពិភពលោកគឺស្ថិតនៅក្នុងប្រទេសចិន។
មិនតែប៉ុណ្ណោះទេ របាយការណ៍ក៏បានចង្អុលបង្ហាញថា និន្នាការទីផ្សារកំពុងមានឥទ្ធិពលវិជ្ជមានទៅលើការផលិតអាគុយ និងខ្សែសង្វាក់ផ្គត់ផ្គង់។ គម្រោងផលិតអាគុយដែលត្រូវបានប្រកាសជាសកល ដើម្បីបំពេញតម្រូវការរថយន្តអគ្គិសនីត្រឹមឆ្នាំ ២០៣០។ គួរបញ្ជាក់ថា នៅឆ្នាំ២០២២ ការនាំចេញអាគុយ និងគ្រឿងបន្លាស់របស់ប្រទេសចិនមានចំនួនប្រមាណជាង ៣៥% នៃទីផ្សារសកល៕
អ្នកសារព័ត៌មាន៖ លាវ ហ្វាំង
អ្នកបកប្រែ ៖ Shen Yan